Friday, December 04, 2020

VACCINATION BATOK MEASLES, RUBELLA, POLIO, UG HPV GILUSAD SA CHO

(Martes, Ika-27 sa Oktubre 2020)

 

GILUSAD sa City Heath Office (CHO) ang kampanya alang sa pagpabakuna sa mga kabataan batok tipdas, rubella ug human papilomavirus o HPV dinhi sa dakbayan sa Iligan.Kini nagsugod Oktobre 26 ug molungtad hangtod Nobyembre 25, 2020.

Tumong sa pagbakuna nga mapugngan ug masumpo ang kaso sa tipdas ilabina sa mga kabataan nga nag-edad og 9 ka bulan hangtud 59 ka bulan. Samtang ang HPV usab, alang sa mga nag-edad og 9 anyos hangtud 14 anyos nga mga batang babaye agi’g proteksiyon batok cervical cancer nga sarang usa sa mga nag-unang sakit sa mga kababayen-an. Tungod niini, nanawagan ang City Health Office sa pagpangulo ni Dr. Cherlina Cañaveral ngadto sa mga ginikanan nga dalhon ang ilang mga anak sa barangay health centers. Gisiguro sa CHO nga ang bakuna batok tipdas, rubella ug HPV luwas ug epektibo nga napamatud-an sulod na sa 40 ka tuig.

 

Maricris Jumalon Tumimbang / CIO