Thursday, April 22, 2021

VALIDATION UG PAG-FINALIZE SA MGA SENDONG SURVIVORS ALANG SA HOUSING APPLICATION, SUGDAN UG IPAHIGAYON KARONG ADLAWA

(Huwebes, Ika-28 sa Enero 2021)

 

SUGDAN NA ug IPAHIGAYON karong adlawa, Enero 28 ang Validation ug pag-finalize alang sa aplikasyon sa housing sa mga nabilin pa nga mga Sendong survivors. Kini pinaagi sa pagpanguna sa House Resettlement Office (HRO) sa pagpangulo ni Rey Roque uban sa City Social Welfare and Development Office (CSWD) diha sa Barangay Tubod ug Tambacan dinhi sa Iligan.

Sumala ni Roque, pinaagi sa maong lakang, ma-interview ug malantaw kung interesado pa ang uban sendong survivors nga diin green card holders nga maka-avail sa housing project sa syudad.

Duha ka Housing project ang pwede aplayan, ang Iligan Vista Village sa Dalipuga ug ang Mirador Relocation Site sa Barangay Tipanoy. Matod ni Roque, ang listahan sa maong validation process, ipaagi sab sa Beneficiary Selection Awards Committee kon BSAC human dayon kini aprobahan.

 

Maricris Jumalon Tumimbang / CIO