Wednesday, October 23, 2019

VICE MAYOR VERA CRUZ, NAGPADAYAG SA IYANG PASALAMAT UG PAGDAYEG SA MGA KAUBAN SA 16TH COUNCIL

(Biyernes, Ika-28 sa Hunyo 2019)

 

GIPASALAMATAN ni Vice Mayor Jemar Vera Cruz ang mga kaubang konsehales ingon man ang mga out going nga mga konsehal sa dakbayan atol sa nahigayong last session sa 16th council sa Sangguniang Panlungsod niadtong Miyerkoles, Hunyo 26, 2019. Diin, gipadayag ni Vera Cruz ang iyang pagdayeg ug pasalamat sa maong council tungod sa tulo ka tuig nilang panag-uban ingon man sa mga nahimo nga mga mahinungdanong ordinansa sama sa Tourism code, Youth code, balaodnon alang sa mga senior citizens, economic, traffic, social services, color-coded health cards, ingon man sa edukasyon nga mao ang pagmugna sa Iligan Community College kun Colegio De Iligan. Nahisgotan usab ni Vera Cruz ang mga nahitabo sa milabay’ng eleksiyon nga ang kanhing mga higala nahimong dili na higala tungod lamang sa politika apan giseguro niini nga nakalimtan na ang mga panghitabo sanglit gidasig pa ni Vera Cruz ang mga nagpabiling mga konsehales ug ang mga mamahimong bag-ong kauban sa konseho alang sa dugang pang pagtinabangay ilabi na panaghiusa alang sa kaayohan sa katawhang kabos ug sa dugang pang kalamboan sa dakbayan.

 

Maricris Jumalon Tumimbang / CIO