Monday, September 24, 2018

VOTER’S ID NA-UNDANG, COMELEC NAGHATAG OG VOTER’S CERTIFICATION NGADTO SA MGA BOTANTE

(Miyerkules, Ika-14 sa Marso 2018)

 

KUMPIRMADO gikan sa Commision on Election (Comelec) pinaagi kay Election Assistant Hazel Lacson, nga gihunong na ang paghatag sa Comelec voter’s ID human sila nakadawat og memo gikan sa national na i-undang na ang paghatag niini mahitungod sa National ID System na aprubado na sa kongreso. Sumala kay Lacson, atul sa pakighinabi sa City Information Office pinaagi ni Maricris Tumimbang, partial lamang ang nagama na mga id’s gikan tuig 2011, og hangtud karong tuig 2018, na-undang na ang pag-panghatag og voter’s ID sa maong ahensya.

Gidugang ni Lacson nga adunay ginahatag na voter’s certification ang Comelec karon ngadto sa mga botante nga aktibo og pwede kini nila magamit sa tanang ahensya as valid. Diin kinahanglan lamang nga magpasa og request letter og ibutang kung asa kini gamiton og magdala usab og usa pa ka valid ID para pagmatuod na ang nagkuha sa maong certipiko iya gayud.

 

– – Bobby Capangpangan/CIO

###