Tuesday, April 07, 2020

“WORLD AIDS DAY”, GISAULOG SA SIYUDAD

(Biyernes, Ika-20 sa Disyembre 2019)

 

CITY HEALTH OFFICE — Gihandum ug gisaulog sa Kagamhanang Lokal ning dakbayan sa Iligan ang  ‘World Aids Day’ pinaagi sa tema nga “Pagtapos sa Epidemya sa HIV / AIDS: Ang Komunidad pinaagi sa Komunidad” atol sa gipahigayong Flag Raising Ceremony, niadtong adlaw’ng Lunes Desyembre 2, 2019.

Si Dr. Glenn Manarpaac ang Assistant Health Officer sa CHO, mipasabot sa maong kasaulogan, nga sa matag Disyembre-uno matag tu-ig maoy pagsa-ulog sa ‘World Aids Day’. aron sa paghatag og oportunidad alang sa mga tawo sa tibuok kalibutan nga magkahiusa sa away batok sa HIV/AIDS.

Oportunidad usab kini alang sa pagsuporta sa mga global nga paningkamot aron mapugngan ang mga bag-ong impeksyon sa HIV, paghatag og dugang kasayuran o kahibalo sa HIV, ingon man pagsuporta sa mga buhi nga adunay sakit nga HIV/AIDS.

Samtang ang kasa-ulogan sa “ Global Health Day” gisugdan na niadtong tuig 1988.

 

Maricris Jumalon Tumimbang / CIO