Thursday, July 07, 2022

CDLO, PADAYON SA PAGTUNOL LIVELIHOOD ASSISTANCE SA MGA REHISTRADONG KOOPERATIBA UG ASSOSASYON DINHI SA SIYUDAD

(Huwebes, Ika-29 sa Hulyo 2021)

 

PADAYON ang lokal nga kagamhanan pinaagi sa City Development & Livelihood Office (CDLO) sa pagtunol og livelihood assistance sa mga rehistradong kooperatiba dinhi sa siyudad taliwala ning nagpadayong pandemya. Gani, bag-o lang, gitunol sa buhatan ang livelihood support sa duha (2) ka gardeners associations sa Purok 24 ug Purok 24-B sa Barangay Maria Cristina kauban ang kapulisan kon PNP-Iligan.

Gipasilitar sab sa CDLO ang pag-turnover sa 25 ka laki ug 25 ka baye nga live Thailand type chicken ingon man Feeds isip Livelihood support ngadto sa Sikyop Agicultural Cooperative sa Barangay Rogongon. Gi-turnover usab sa buhatan ang 50 ka laki ug 50 ka baye nga live Thailand type chicken ug Feeds sa Scions Rural Farm Workers Association sa Barangay Tomas Cabili.

Samtang 100 usab ka male ug 100 ka female live Thailand type chicken ingon man feeds ngadto sa Bambohay Hanapbuhay Habang Buhay Association, Digkilaan Entrepreneurs Association ug Drug Surrenderees sa Barangay Digkilaan, sakop ning dakbayan.

 

Maricris Jumalon Tumimbang / CIO