Thursday, May 26, 2022

DAKBAYAN SA ILIGAN NAGBUNYI SA KADAOGAN NI NORJ GURO SA WBC ATOMWEIGHT SILVER TITLE

(Huwebes, Ika-7 sa Abril 2022)

 

ILIGAN CITY- Nagbunyi ang mga Iliganon sa kadaogan ni Norj Guro, unang Pilipino ug nag inusarang babaye nga nakasungkit sa WBC Atomweightworld Silver Belt.

Si Guro, 31-anyos ug lumopyo sa Barangay Luinab, sakop ning dakbayan.

Gipildi ni Guro ang Briton nga si Denise Castle pinaagi sa usa ka lisod nga eight-round split decision aron makuha ang bakanteng WBC Atomweight Silver Title sa Habtoor Grand Hotel sa Dubai niadtong Marso 27, sa iskor nga 78-74 alang kang Guro samtang 77-75 ang kang Castle.

Karong adlawa, Huwebes, Abril 7, gihimo ang usa ka Caravan sa dakbayan isip Welcome address alang kang Guro.

Mainiton siya nga gi-congratulate sa mga Iliganon ingon sa mga kawani sa City Hall ilabi na ni Iligan Mayor Celso G. Regencia uban ni Councilor Ian Uy diha mismo sa City Mayor’s Office.

Gipasidunggan si Guro ni Mayor Regencia og gihataga’g tseke sa kantidad nga P100,000. 00 isip pahalipay sa dili ikalimod nga dakong dungog nga gihatag niini sa nasod ilabi na dinhi sa dakbayan sa Iligan.

 

Maricris Jumalon Tumimbang / CIO