Tuesday, April 07, 2020

KONSEHAL BACSARPA MIDAYEG SA CITY VET

(Biyernes, Ika-6 sa Disyembre 2019)

 

GIDAYEG ni Konsehal Christine Sorilie Bacsarpa, ang Chairman sa Committee on Agriculture & Food sa hawanan sa konseho ning dakbayan ang mga pagpaningkamot o lakang nga gihimo sa City Veterenarian’s Office aron mapugngan ug batokan ang pagsulod sa African Swine Fever (ASF) diri sa dakbayan. Gani, gidayeg niini ang kakugi sa maong buhatan sa paghimo sa ilang mandato isip kawani sa gobyerno sa lokal nga pangagamhanan. Sumala ni Bacsarpa nga gipamatud-an sa City Vet ang dedikasyon niini sa ilang mga trabaho ilabi na mahitungod sa ASF tungod sa wala pa miabot sa Pilipinas ang maong sakit sa mga hayop, nangandam na ang maong buhatan sa angay nga mga buhaton ingon man sa mga kalihokan aron dili mo-abot ug makasulod ang ASF sa Iligan.

 

Maricris Jumalon Tumimbang / CIO