News

𝐋𝐀𝐍𝐓𝐀𝐖𝐀 :

Gipangandaman karun sa Gregorio T. Lluch Memorial Hospital (GTLMH) ang ipahigayon nga First Quarter Nationwide Simultaneous Earthquake Drill (NSED) karong Marso 12, 2026, alas 3:30 sa hapon, ubos sa Hospital Emergency Incident Command System (GTLMH HEICS) isip kabahin sa pagpangandam sa kalamidad.

Atol sa aktibidad, gipakita sa mga personnel sa GTLMH ang ilang Evacuation Plan ug gisunod ang Incident Command System (ICS) aron masiguro ang organisado ug paspas nga pagresponde kon adunay emerhensya.

Adunay usab mga evaluators gikan sa lain-laing ahensya. Samtang ang Incident Management Team (IMT) sa ICDRRMO maoy motabang sa paggiya ug pag-train sa GTLMH personnel.

Padayon ang lig-on nga suporta ni Mayor Freddie Siao sa mga programa sa disaster preparedness aron masiguro nga andam ang Iligan ug luwas ang matag Iliganon sa bisan unsang kalamidad.

𝐏𝐚𝐝𝐚𝐲𝐨𝐧, 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐇𝐎𝐍. 𝐒𝐀𝐌𝐔𝐄𝐋 𝐇𝐔𝐄𝐑𝐓𝐀𝐒 𝐀𝐍𝐃 𝐇𝐎𝐍. 𝐈𝐀𝐍 𝐔𝐘 🎉

The City proudly congratulates Councilor Ian C. Uy for being elected Treasurer for Mindanao, and Councilor Samuel “Tatay” Huertas for being elected National Executive Vice President of the Philippine Councilors League (PCL) during the 2026 Congress and First Quarterly Continuing Local Legislative Education Program (CLLEP) held at the World Trade Center in Pasay City.

Your leadership and dedication bring pride and honor to Iligan City.

#PCL #IliganLeadership

#AsensoIliganon #IliganCity

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

Gitunover sa LGU-Iligan karung adlawa sa Barangay Tibanga ug Suarez ang tagsa ka patrol rescue, ug pickup truck alang sa Local School Board.

Mipasalamat si Suarez Punong Barangay Rossil Abrero sa City Government of Iligan, pinangulohan ni Mayor Frederick Siao, kay dako kaayo nga tabang ang maong patrol rescue sa Barangay Suarez ilabi na sa pagresponde sa mga emerhensiya sama sa aksidente, kalamidad, ug uban pang panginahanglan sa komunidad. Pinaagi niini, mas mapaspas ug mas epektibo ang pagserbisyo sa barangay ngadto sa mga residente.

Gipasalamatan usab niya ang padayon nga suporta sa lokal nga gobyerno sa pagpalambo sa serbisyo publiko ug pagpalig-on sa kapasidad sa mga barangay aron mas mapanalipdan ug matabangan ang katawhan.

Joemar Neil Aliño

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

Gitunover sa LGU-Iligan karung adlawa sa Barangay Tibanga ug Suarez ang tagsa ka patrol rescue, ug pickup truck alang sa Local School Board.

Gipasalamatan usab niya ang padayon nga suporta sa lokal nga gobyerno sa pagpalambo sa serbisyo publiko ug pagpalig-on sa kapasidad sa mga barangay aron mas mapanalipdan ug matabangan ang katawhan.

Joemar Neil Aliño

𝐃𝐔𝐇𝐀 𝐊𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑𝐒 𝐍𝐀𝐆𝐏𝐀𝐁𝐈𝐋𝐈𝐍 𝐍𝐆𝐀 𝐁𝐔𝐊𝐀𝐒 𝐇𝐔𝐌𝐀𝐍 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆

Anaa nalang sa duha (2) ka evacuation centers ang nagpabilin nga bukas human sa pagkahitabo sa bagyong Basyang niadtong Pebrero 6, 2026 kini ang gibutyag ni Evelyn Madrio, Head sa City Social Welfare and Development Office (CSWD).

Usa sa evacuation centers mao ang Mahayahay Gym nga dunay 47 ka pamilya ug Pugaan nga dunay walo ka pamilya ang padayun nga gi-monitor karon sa CSWD.

Sumala ni Madrio nga mihimo sila og consultation ug diskusyon sa punong barangay sa duha ka barangay aron nga matabangan ug hinay-hinay nga makabangon ang mga pamilya nga nagpabilin sa evacuation centers. Dugang ni Madrio nga gilauman sab nila nga human makadawat sa Emergency Cash Transfer gikan sa Department of Social Welfare and Development (DSWD) ang mga pamilya nga makahinay-hinay sila og bangon gikan sa crisis pinaagi sa pagpangita og temporary nga kapuy-an.

Padayun sab karon ang pag-monitor sa CSWD sa final nga datos sa nabilin nga pamilya sa duha ka evacuation camps.

Niaging semana, nakigkita si Mayor Frederick Siao sa Department of Human Settlement and Urban Development o DHSUD diin gihisgutan nila ang pagtukod og modular shelter units nga temporaryong kapuy-an sa mga pamilyang apektado sa kalamidad, ingon man tenements para sa mga namuyo sa danger ug no-build zones sa Iligan.

𝐏𝐀𝐆𝐊𝐀𝐏𝐎𝐍 𝐒𝐀 𝐌𝐆𝐀 𝐋𝐀𝐋𝐀𝐊𝐈𝐍𝐆 𝐈𝐑𝐈𝐍𝐆 𝐔𝐆 𝐈𝐑𝐎, 𝐈𝐏𝐀𝐇𝐈𝐆𝐀𝐘𝐎𝐍 𝐒𝐀 𝐂𝐈𝐓𝐘 𝐕𝐄𝐓 𝐊𝐀𝐑𝐔𝐍𝐆 𝐌𝐀𝐑𝐒𝐎

Ipahigayon karung Marso 19, 27, ug 31, 2026 sa City Veterinary Office ang pagkapon sa mga laki nga iring ug iro.

Limitado ra ang slot niini. Ipahigayon kini sa ilang opisina sa Integrated Bus and Jeepney Terminal o Tambo Terminal.

Gibutyag ni Dr. Oza Mae Salinas , City Veterinarian, ang binuhing iring ug iro kinahanglan nag edad unom ka bulan pataas, ug himsog.

Duna sab ₱100.00 nga registration fee ug ₱100.00 castration fee o pagkapon sa binuhing hayop.

" Cat registration is mandatory i-register ang pet," sumala ni Dr. Salinas.

Ang pagkapon o pag-neuter para sa mga lalaki nga iring o spaying para sa mga babayeng iring mahinungdanon alang sa pagkontrolar sa daghan, sobra nga populasyon sa iring, pagpugong sa pagkaylap sa mga sakit sama sa rabies ug pagpauswag sa kinatibuk-ang panglawas ug kalidad sa kinabuhi alang sa mga binuhi ug mga iring sa komunidad.

Ronnie Enderes

𝐂𝐕𝐎: 𝐌𝐀𝐒𝐒 𝐑𝐀𝐁𝐈𝐄𝐒 𝐕𝐀𝐂𝐂𝐈𝐍𝐀𝐓𝐈𝐎𝐍, 𝐓𝐈𝐁𝐔𝐎𝐊 𝐓𝐔𝐈𝐆 𝐍𝐆𝐀 𝐈𝐏𝐀𝐇𝐈𝐆𝐀𝐘𝐎𝐍, 𝐍𝐀𝐊𝐀-𝐒𝐊𝐄𝐃𝐘𝐔𝐋 𝐒𝐀 𝐌𝐀𝐓𝐀𝐆 𝐁𝐀𝐑𝐀𝐍𝐆𝐀𝐘

Tibuok tuig ang Mass Rabies Vaccination o pagpangbakuna kontra rabies sa mga binuhi nga iro ug iring, sumala sa City Veterinary Office (CVO).

Duha ngadto sa tulo ka adlaw ang pagpangbakuna sa matag barangay.

Ning tuiga, nagsugod ang City Vet sa Barangay Abuno. Apan pagklaro sa ilang opisina, ang mga pet owners o nanag-iya og mga hayop mamahimo sab nga magpabakuna sa ilang mga binuhi sa City Vet, Lunes hangtud Biyernes, 8:00 sa buntag hangtud sa 5:00 sa hapon, sa Tambo Terminal.

𝐒𝐀𝐋𝐀𝐌𝐀𝐓 𝐒𝐀 𝐒𝐔𝐏𝐎𝐑𝐓𝐀: 𝐏𝐀𝐍𝐀𝐆𝐇𝐈𝐔𝐒𝐀 𝐀𝐋𝐀𝐍𝐆 𝐒𝐀 𝐈𝐋𝐈𝐆𝐀𝐍

Mapasalamaton ang LGU Iligan, ilabi na si Mayor Freddie Siao, sa walay hunong nga pagpakita sa suporta ug pagtabang sa mga silingang lugar alang sa mga Iliganon nga naapektuhan sa Bagyong Basyang.

Karong buntaga, 𝐩𝐞𝐫𝐬𝐨𝐧𝐚𝐥 𝐧𝐠𝐚 𝐠𝐢𝐭𝐮𝐧𝐨𝐥 𝐧𝐢 𝐌𝐚𝐲𝐨𝐫 𝐉𝐞𝐭𝐚𝐢𝐦𝐞 𝐀. 𝐎𝐤𝐢𝐧𝐥𝐚𝐲-𝐆𝐮𝐦𝐛𝐚𝐧 𝐬𝐚 𝐈𝐦𝐩𝐚𝐬𝐮𝐠-𝐨𝐧𝐠, 𝐁𝐮𝐤𝐢𝐝𝐧𝐨𝐧 𝐚𝐧𝐠 𝐟𝐢𝐧𝐚𝐧𝐜𝐢𝐚𝐥 𝐚𝐬𝐬𝐢𝐬𝐭𝐚𝐧𝐜𝐞 alang sa mga pamilyang apektado sa kalamidad sa Iligan.

Dungan usab niini, gitunol ang dugang nga tabang gikan sa 8th Infantry Battalion, 4th Infantry Division sa Philippine Army, nga nagpakita sa kusog nga panaghiusa aron masuportahan ang pagbangon sa dakbayan.

Ang inyong pagpakabana ug pagtinabangay dako kaayong tabang sa padayong pagbangon sa Iligan.

📸 ICDRRMO

#LGUIligan

#BangonIligan

#Bayanihan

#PadayonAngPagtabang

𝐓𝐈𝐍𝐀𝐁𝐀𝐍𝐆𝐀𝐘, 𝐏𝐀𝐑𝐀 𝐒𝐀 𝐈𝐋𝐈𝐆𝐀𝐍

Mapasalamaton ang LGU Iligan, ubos sa liderato ni Mayor Freddie Siao, sa dakong tabang nga gihatag sa 𝟓𝟗𝟎𝐭𝐡 𝐀𝐢𝐫 𝐁𝐚𝐬𝐞 𝐆𝐫𝐨𝐮𝐩, Philippine Air Force – 𝐂𝐆𝐉𝐀𝐁, 𝐂𝐚𝐠𝐚𝐲𝐚𝐧 𝐝𝐞 𝐎𝐫𝐨 pinaagi ni COL ANSELMO A TY II, ang Group Commander.

Ilang gigamit ang ilang KM250 nga sakyanan ug manpower aron mas mapadali ang paghakot sa mga relief goods gikan sa DSWD Warehouse sa Alae, Manolo Fortich padulong sa RCP Iligan.

Ang inyong suporta usa ka dakong tabang sa padayon nga paningkamot sa syudad sa pagserbisyo ug pag-atiman sa katawhang Iliganon.

Daghang salamat sa inyong walay hunong nga pagpakabana ug pakigtinabangay alang sa Iligan, hilabi na sa mga pamilyang naapektuhan sa kalamidad.

#LGUILIGAN

#BANGONILIGAN

#BayanihanSpirit

#padayonangpagtabang

𝐆𝐈𝐁𝐀𝐍𝐀-𝐁𝐀𝐍𝐀𝐍𝐆 5,000 𝐊𝐀 𝐓𝐀𝐖𝐎 𝐌𝐈-𝐏𝐀𝐑𝐓𝐈𝐒𝐈𝐏𝐀𝐑 𝐒𝐀 𝐅𝐎𝐎𝐓 𝐏𝐀𝐑𝐀𝐃𝐄 𝐒𝐀 𝐈𝐍𝐓'𝐋 𝐖𝐎𝐌𝐄𝐍'𝐒 𝐌𝐎𝐍𝐓𝐇

Gibana-banang mi-abot og 5,000 ka mga tawo sa lain-laing opisina sa LGU, mga ahensya sa gobyerno, ug Non-Government Agencies, Barangay Women's Association, ug mga kooperatiba sa Iligan , ang mi-apil sa foot parade atol sa selebrasyon sa International Women's Day Celebration, Marso 8, 2026.

#news #Update #AsensoNews

#AsensoIliganon #IliganCity

“𝙍𝙖𝙗𝙞𝙚𝙨-𝙁𝙧𝙚𝙚 𝙣𝙖 𝙋𝙪𝙨𝙖’𝙩 𝘼𝙨𝙤, 𝙆𝙖𝙡𝙞𝙜𝙩𝙖𝙨𝙖𝙣 𝙣𝙜 𝙋𝙖𝙢𝙞𝙡𝙮𝙖𝙣𝙜 𝙋𝙞𝙡𝙞𝙥𝙞𝙣𝙤! 𝙍𝙚𝙨𝙥𝙤𝙣𝙨𝙞𝙗𝙞𝙡𝙞𝙙𝙖𝙙 𝙈𝙤, 𝘼𝙡𝙖𝙜𝙖’𝙮 𝘽𝙖𝙠𝙪𝙣𝙖𝙙𝙤”

Karong bulan sa Rabies Awareness Month 2026, atong responsibilidad isip pet owners nga ipabakuna ang atong mga iro ug iring aron malikayan ang rabies ug mapanalipdan ang atong pamilya ug komunidad.

Responsible pet ownership starts with vaccination, proper care, and awareness.

#RabiesAwarenessMonth2026 #RabiesFreeCommunity

#HealthyIligan #AsensoIliganon #IliganCity

𝐄𝐎𝐂 𝐔𝐆 𝐋𝐀𝐍𝐀𝐎 𝐏𝐑𝐄𝐒𝐒 𝐂𝐋𝐔𝐁, 𝐍𝐀𝐆𝐇𝐈𝐔𝐒𝐀 𝐀𝐑𝐎𝐍 𝐇𝐀𝐓𝐀𝐆𝐀𝐍 𝐎𝐆 𝐑𝐄𝐆𝐔𝐋𝐀𝐑 𝐍𝐆𝐀 𝐔𝐏𝐃𝐀𝐓𝐄 𝐀𝐍𝐆 𝐊𝐀𝐓𝐀𝐖𝐇𝐀𝐍 𝐒𝐀 𝐄𝐀𝐑𝐋𝐘 𝐑𝐄𝐂𝐎𝐕𝐄𝐑𝐘 𝐒𝐀 𝐈𝐋𝐈𝐆𝐀𝐍

Sa padayon nga paningkamot sa City Government of Iligan nga masiguro ang klaro ug husto nga impormasyon alang sa katawhan human sa epekto sa Bagyong Basyang, 𝐧𝐚𝐠𝐡𝐢𝐮𝐬𝐚 𝐚𝐧𝐠 𝐄𝐦𝐞𝐫𝐠𝐞𝐧𝐜𝐲 𝐎𝐩𝐞𝐫𝐚𝐭𝐢𝐨𝐧𝐬 𝐂𝐞𝐧𝐭𝐞𝐫 (𝐄𝐎𝐂) 𝐮𝐠 𝐚𝐧𝐠 𝐋𝐚𝐧𝐚𝐨 𝐏𝐫𝐞𝐬𝐬 𝐂𝐥𝐮𝐛 (𝐋𝐏𝐂) aron matag semana maghatag og update kabahin sa lifeline status ug early recovery efforts sa dakbayan.

Atol sa Emergency Operations Center meeting kaganina, nasabutan nga pinaagi sa pakigtinabangay sa LPC, regular nga makabalo ang katawhan sa pinakabag-ong kahimtangan sa mga operasyon sa gobyerno, aron matubag ang mga pangutana ug kabalaka sa publiko.

Niadtong Dominggo, pinaagi sa programang “Bandilyo” sa Lanao Press Club sa Radyo Pilipinas Iligan, nahisgutan ug natubag ang mga unang pangutana ug kabalaka sa katawhan ilabi na sa kahimtangan sa clearing operations uban si Fernel Pizarro, Operations Section Chief sa Incident Management Team (IMT).

Gihatag sab ang update sa social services ug emergency welfare assistance alang sa mga naapektuhan sa kalamidad, nga gipangunahan ni Margie Amarga sa City Social Welfare and Development (CSWD) Emergency Welfare Program.

Dako kaayong tabang ang kolaborasyon tali sa Lanao Press Club ug EOC, tungod kay pinaagi niini mas mapasayon ang pagpaabot sa impormasyon ug mas mahatagan og klarong katin-awan ang tanang concern sa katawhan kabahin sa padayon nga recovery efforts sa Iligan.

Pinaagi sa maong inisyatiba, nagpadayon ang paningkamot sa LGU Iligan nga masiguro nga ang matag Iliganon makaangkon og tinuod ug insaktong impormasyon samtang nagpadayon ang pagbangon sa dakbayan human sa Bagyong Basyang.

𝐏𝐀𝐇𝐈𝐁𝐀𝐋𝐎 : 𝐊𝐀𝐑𝐔𝐍𝐆 𝐀𝐃𝐋𝐀𝐖𝐀 𝐌𝐀𝐆𝐒𝐔𝐆𝐎𝐃

👉𝐎𝐍𝐄 𝐒𝐓𝐎𝐏 𝐒𝐇𝐎𝐏 – 𝐃𝐎𝐂𝐔𝐌𝐄𝐍𝐓𝐀𝐑𝐘 𝐑𝐄𝐂𝐎𝐕𝐄𝐑𝐘 𝐀𝐒𝐒𝐈𝐒𝐓𝐀𝐍𝐂𝐄 𝐏𝐑𝐎𝐆𝐑𝐀𝐌 (𝐃𝐑𝐀𝐏)

Alang sa mga nawalaan og mga importanteng dokumento, sama sa Birth, Death ug Marriage Certificate, PWD ID, Sr. Citizen ID ug Booklet, Ayaw kabalaka kay adunay ipahigayon nga ONE STOP SHOP – DOCUMENTARY RECOVERY ASSISTANCE PROGRAM (DRAP) ang LGU Iligan.

🗓 March 2, 2026 (Monday)

📍 3rd Floor, Robinsons Place Iligan

Time : 10am

Ang DRAP usa ka one-stop shop nga maghatag og tabang sa pag-recover ug pagproseso sa mga importante nga dokumento nga naapektuhan sa kalamidad.

Duol na, magpa-assist na, ug ayaw sayanga ang kahigayonan nga mapadali ang inyong papeles!

#DRAP #OneStopShop #Iligan #TabangSaKatawhan

PEZA to Lead NSC Property & New Opportunities for Iligan!

Gusto nako i-share kaninyo ang mga nindot nga balita gikan sa atong official travel sa Manila. Kauban nato ang atong City Legal Officer, Atty. Bert Padilla, nakig-meeting kita sa Philippine Economic Zone Authority (PEZA) led by Director General Tereso O. Panga.

💼 Unsa may plano sa NSC Property?

Klarohon nato: our goal is to find the best path forward para sa NSC. This isn't just about "reviving" the old plant, but about opening the property to proper and serious investors who can bring real development to Iligan.

Sa atong diskusyon, the PEZA will now take the lead sa pagpangita og mga world-class investors. Dili lang sila ang motabang kanato, apil usab ang:

• National Development Company (NDC): Ang investment arm sa atong gobyerno.

• Maharlika Investment Corporation (MIC): Sila ang mo-assist pinaagi sa Maharlika Funds aron ma-pondohan ang development sa NSC area ug maka-attract og dagkong capital investments.

🤔 Nganong importante ni sa mga Iliganon?

Dili lang ni basta "yuta." This is a huge opportunity for our city! Once we find the right investors—be it for manufacturing, industrial hubs, or technology—it means:

✅ Dugang Trabaho para sa atong mga skilled workers.

✅ Economic Growth – Mas molig-on ang atong lokal nga negosyo.

✅ Higher Revenues – Aron mas daghan tag pondo para sa mga serbisyo publiko.

Dili kita mohunong hangtod dili nato makita ang tinuod nga pag-asenso niining maong asset sa atong dakbayan. Panahon na nga mapuslan ang NSC Property para sa kaayohan sa tanan.

Padayon, Asenso Iliganon!

#AsensoIliganon #IliganCity #MayorFreddieSiao #NSCProperty #PEZA #NDC #MaharlikaInvestment #TrabahoParaSaIliganon #FreddieSiao #MayorSiao

𝐏𝐚𝐠𝐥𝐚𝐮𝐦 𝐀𝐥𝐚𝐧𝐠 𝐬𝐚 𝐈𝐥𝐢𝐠𝐚𝐧: 100 𝐤𝐚 𝐦𝐨𝐝𝐮𝐥𝐚𝐫 𝐬𝐡𝐞𝐥𝐭𝐞𝐫 𝐮𝐧𝐢𝐭𝐬 𝐠𝐢𝐤𝐚𝐧 𝐬𝐚 𝐃𝐇𝐒𝐔𝐃!

Padayon ang paningkamot ni Mayor Freddie Siao aron matabangan ang Iligan hilabi na ang mga pamilyang naapektuhan sa kalamidad. Pinaagi sa suporta sa 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐮𝐦𝐚𝐧 𝐒𝐞𝐭𝐭𝐥𝐞𝐦𝐞𝐧𝐭𝐬 𝐚𝐧𝐝 𝐔𝐫𝐛𝐚𝐧 𝐃𝐞𝐯𝐞𝐥𝐨𝐩𝐦𝐞𝐧𝐭 (DHSUD) human sa kalisod nga gidala sa Bagyong Basyang.

✅ 100 ka Modular Shelter Units ang ipaabot para sa Bayanihan Village

✅ Uban pa nga housing projects giistoryahan na sa NHA

✅ Lakip ang plano sa pag-settle sa yuta sa Sta. Elena human sa 15 ka tuig nga paghulat

𝐒𝐚𝐥𝐚𝐦𝐚𝐭, 𝐃𝐇𝐒𝐔𝐃 𝐮𝐠 𝐌𝐚𝐲𝐨𝐫 𝐒𝐢𝐚𝐨, 𝐬𝐚 𝐩𝐚𝐠𝐝𝐚𝐥𝐚 𝐨𝐠 𝐭𝐢𝐧𝐮𝐨𝐝 𝐧𝐠𝐚 𝐩𝐚𝐠𝐥𝐚𝐮𝐦 𝐬𝐚 𝐦𝐠𝐚 𝐈𝐥𝐢𝐠𝐚𝐧𝐨𝐧! 𝐏𝐚𝐝𝐚𝐲𝐨𝐧 𝐭𝐚 𝐬𝐚 𝐩𝐚𝐠𝐛𝐚𝐧𝐠𝐨𝐧!

"𝙃𝙖𝙣𝙜𝙖𝙙 𝙉𝙖𝙩𝙞𝙣𝙜 𝙇𝙖𝙝𝙖𝙩, 𝙋𝙖𝙢𝙖𝙮𝙖𝙣𝙖𝙣𝙜 𝙃𝙖𝙣𝙙𝙖, 𝘼𝙠𝙩𝙞𝙗𝙤 𝙖𝙩 𝙈𝙖𝙨𝙖𝙜𝙖𝙣𝙖"

This March, let us strengthen fire safety awareness and preparedness in our homes, workplaces, and communities. Ang kaluwasan sa matag pamilya magsugod sa disiplina ug responsableng pag-amping.

Together, let us build a community that is ready, proactive, and resilient.

#FirePreventionMonth2026 #BFP #FireSafePH #firesafety

#AsensoIliganon #IliganCity

𝐏𝐒𝐀, 𝐌𝐎-𝐇𝐀𝐓𝐀𝐆 𝐎𝐆 𝐍𝐀𝐓𝐈𝐎𝐍𝐀𝐋 𝐈𝐃 𝐏𝐀𝐏𝐄𝐑 𝐅𝐎𝐑𝐌 𝐒𝐀 𝐌𝐆𝐀 𝐍𝐀𝐁𝐀𝐇𝐀𝐀𝐍 𝐒𝐀 𝐈𝐋𝐈𝐆𝐀𝐍

Mo-printa og balik ang Philippine Statistics Authority (PSA) og National ID nga paper form alang sa mga nabahaan sa Iligan, sugod sa Marso 4, 2026, sa gipahigayong Document Recovery Assistance Program (DRAP) sa LGU sa 3rd Floor, Robinsons Place Iligan.

Kini aron ma-ilisan ang nawagtang nga National ID o mga ID nga nadaut sa baha.

Pagklaro sa PSA nga paper form ilang mahatag, ug dili ang PVC o plastic cards apan balido gihapon kini ug ihatag nga libre. Kini aron dunay magamit ang mga IDPs sa ilang mga transaksyon.

Ang kolaborasyon sa PSA ug LGU-Iligan nahimong posible human sa pakigkita ni Armien Alorro, ang Head sa Iligan City Disaster Risk Reduction and Management Office, kang Brenda Lynn Castro, ang Officer-in-Charge sa PSA, ug Registration Officer III Paolo Angelo Lozano ganihang buntag.

Ang DRAP lima ka adlaw nga programa sa City Mayor’s Office nga gilangkuban sa City Civil Registrar’s Office, Office of the Senior Citizens Affairs Office, Persons with Disability Affairs Office, ug City Information Office. Gisugdan kini kaganihang buntag diin libreng mihatag og bag-ong ID ug booklet sa mga Senior Citizen, Persons with Disability, ug mga sertipikasyon gikan sa City Civil Registrar.

𝐁𝐀𝐘𝐀𝐍𝐈𝐇𝐀𝐍 𝐕𝐈𝐋𝐋𝐀𝐆𝐄, 𝐓𝐔𝐊𝐔𝐑𝐎𝐍 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘

Gipasalig ni Department of Human Settlements and Urban Development Secretary Jose Ramon Aliling ang labing menus 100 ka Modular Shelter Units (MSUs) alang sa pagtukod ug Bayanihan Village sa lligan City, atol sa pakigtagbo ni Iligan Mayor Frederick W. Siao kaniya ning bag-o.

Atol sa ilang panagtagbo, gihisgutan ang paghatag og housing assistance sa mga biktima sa Bagyong "Basyang".

" Gi-commit ni Secretary Aliling ang pagpadala sa dili momenos 100 modular shelter units (MSUs) para sa pagtukod sa Bayanihan Village sa Iligan City," matud ni Mayor Siao.

Ang pagtukod sa Bayanihan Village parte sa mandatu sa DHSUD sa paghatod sa mas luwas, lig-on, ug dunay dignidad nga mga puy-anan alang sa mga pamilya nga naapektuhan sa kalamidad, pagsiguro sa tabang sa gobyerno nga paspas ang mga paningkamot nga maghatud og bag-ong paglaom sa mga benepisyaryo.

Gihisgutan sab uban ni NHA General Manager Joeben Tai ang dugang housing projects sa lokal nga kagamhanan aron mas daghan pa ang mahatagan og permanenteng puy-anan.

Apil sa gihisgutan ang NSC Land Debt Settlement.

Gitambongan ang tigom nila CEU President Danilo Concepcion, NHA General Manager Joeben Tai, DHSUD Senior Undersecretary Eduardo Robles, Undersecretary Roman Nicholo Molina, ug uban pang mga opisyal sa DHSUD ug NHA.

𝐂𝐈𝐓𝐘 𝐇𝐄𝐀𝐋𝐓𝐇 𝐎𝐅𝐅𝐈𝐂𝐄, 𝐆𝐈-𝐀𝐖𝐇𝐀𝐆 𝐀𝐍𝐆 𝐏𝐔𝐁𝐋𝐈𝐊𝐎 𝐒𝐀 𝐏𝐀𝐆-𝐎𝐁𝐒𝐄𝐑𝐁𝐀𝐑 𝐒𝐀 𝟒𝐒 𝐀𝐑𝐎𝐍 𝐌𝐀𝐋𝐈𝐊𝐀𝐘𝐀𝐍 𝐀𝐍𝐆 𝐃𝐄𝐍𝐆𝐔𝐄

Gi-awhag sa City Health Office (CHO) ang mga residente sa Iligan nga i-obserbar ang 4S aron malikayan nga mataptan og dengue. Kini tungod duna nay 10 ka kaso sa dengue ang Iligan. Ang mga pasyente gikan sa Barangay Tibanga, Tubod, Suarez, Tambacan, Palao, ug Maria Cristina.

Ang 4S naglangkob sa pagpangita sa mga breeding places o mga lugar nga kapangitlogan sa mga lamok ug iyabo, pag-gamit og mga proteksyon sama sa insect repellant ug mga sinina nga taas og bukton ug karsones, magpakonsulta dayun sa ospital kung dunay mga sintomas sa dengue, ug suportahan ang fogging ug spraying sa mga lugar nga taas og kaso sa dengue.

Pahimangno sa CHO, apil sa mga sintomas sa dengue ang balik-balik nga hilanat, sakit sa ulo, sakit likod sa mata, panurok, pagkalipong ug pagsuka, ug panakit sa lawas. Samtang warning signs sa dengue ang grabeng sakit sa tiyan, sige og suka, pagkaluya, pagdugo sa lagus o kaha ilong, dugo sa suka o hugaw, ug dili ka-ihi sa unom ka oras. Sumala sa CHO, ang tawo nga dunay warning signs posibleng makasinati og mga komplikasyon. Ang pagkanaug sa hilanat dili sinyales sa pagka-ayo sa dengue, Gi-awhag nga magpakonsulta dayun sa ospital o pinakaduol nga health center.

Gilauman ang pagsaka sa kaso sa dengue human sa pag-ulan-ulan, bagyo, ug baha tungod sa nahabilin nga tubig sa palibot.

𝐋𝐀𝐍𝐓𝐀𝐖𝐀:

Padayon ang clearing o paghakot sa nahabiling mga lapok ug debris sa barangay Mahayahay samtang sundon sab pagkolekta sa Public Service Division (PSD) ang mga basura. Kini tungod duna pay mga residente nga galimpyo sa ilang mga balay, gahabwa sa mga lapok og basura, ug ginatapok sa karsada.

Duna sab mga area nga nagkinahanglan og gagmay nga equipment, samtang ang ubang eskinita, mano-mano lang ang paglimpyo tungod dili masudlan og mga ekipo tungod sa kagamay sa dalan.

Gipahigayon sab ang flushing sa mga dalan nga dili na barado ang drainage, samtang nagpadayon sab ang de-clogging o pagtanggal sa mga lapok nga mibara sa ubang lutsanan sa tubig.

Kamolo sab ang clearing sa ubang parte sa Barangay Tambacan.

We would like to hear from you

Send us your feedback, comments and suggestions to help improve our services

Iligan City

What's Happening

𝐋𝐀𝐍𝐓𝐀𝐖𝐀 :

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐇𝐎𝐍. 𝐒𝐀𝐌𝐔𝐄𝐋 𝐇𝐔𝐄𝐑𝐓𝐀𝐒 𝐀𝐍𝐃 𝐇𝐎𝐍. 𝐈𝐀𝐍 𝐔𝐘 🎉

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

𝐃𝐔𝐇𝐀 𝐊𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑𝐒 𝐍𝐀𝐆𝐏𝐀𝐁𝐈𝐋𝐈𝐍 𝐍𝐆𝐀 𝐁𝐔𝐊𝐀𝐒 𝐇𝐔𝐌𝐀𝐍 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆

𝐏𝐀𝐆𝐊𝐀𝐏𝐎𝐍 𝐒𝐀 𝐌𝐆𝐀 𝐋𝐀𝐋𝐀𝐊𝐈𝐍𝐆 𝐈𝐑𝐈𝐍𝐆 𝐔𝐆 𝐈𝐑𝐎, 𝐈𝐏𝐀𝐇𝐈𝐆𝐀𝐘𝐎𝐍 𝐒𝐀 𝐂𝐈𝐓𝐘 𝐕𝐄𝐓 𝐊𝐀𝐑𝐔𝐍𝐆 𝐌𝐀𝐑𝐒𝐎

𝐒𝐀𝐋𝐀𝐌𝐀𝐓 𝐒𝐀 𝐒𝐔𝐏𝐎𝐑𝐓𝐀: 𝐏𝐀𝐍𝐀𝐆𝐇𝐈𝐔𝐒𝐀 𝐀𝐋𝐀𝐍𝐆 𝐒𝐀 𝐈𝐋𝐈𝐆𝐀𝐍

𝐓𝐈𝐍𝐀𝐁𝐀𝐍𝐆𝐀𝐘, 𝐏𝐀𝐑𝐀 𝐒𝐀 𝐈𝐋𝐈𝐆𝐀𝐍

𝐆𝐈𝐁𝐀𝐍𝐀-𝐁𝐀𝐍𝐀𝐍𝐆 5,000 𝐊𝐀 𝐓𝐀𝐖𝐎 𝐌𝐈-𝐏𝐀𝐑𝐓𝐈𝐒𝐈𝐏𝐀𝐑 𝐒𝐀 𝐅𝐎𝐎𝐓 𝐏𝐀𝐑𝐀𝐃𝐄 𝐒𝐀 𝐈𝐍𝐓'𝐋 𝐖𝐎𝐌𝐄𝐍'𝐒 𝐌𝐎𝐍𝐓𝐇

𝐏𝐀𝐇𝐈𝐁𝐀𝐋𝐎 : 𝐊𝐀𝐑𝐔𝐍𝐆 𝐀𝐃𝐋𝐀𝐖𝐀 𝐌𝐀𝐆𝐒𝐔𝐆𝐎𝐃

PEZA to Lead NSC Property & New Opportunities for Iligan!

𝐏𝐚𝐠𝐥𝐚𝐮𝐦 𝐀𝐥𝐚𝐧𝐠 𝐬𝐚 𝐈𝐥𝐢𝐠𝐚𝐧: 100 𝐤𝐚 𝐦𝐨𝐝𝐮𝐥𝐚𝐫 𝐬𝐡𝐞𝐥𝐭𝐞𝐫 𝐮𝐧𝐢𝐭𝐬 𝐠𝐢𝐤𝐚𝐧 𝐬𝐚 𝐃𝐇𝐒𝐔𝐃!

"𝙃𝙖𝙣𝙜𝙖𝙙 𝙉𝙖𝙩𝙞𝙣𝙜 𝙇𝙖𝙝𝙖𝙩, 𝙋𝙖𝙢𝙖𝙮𝙖𝙣𝙖𝙣𝙜 𝙃𝙖𝙣𝙙𝙖, 𝘼𝙠𝙩𝙞𝙗𝙤 𝙖𝙩 𝙈𝙖𝙨𝙖𝙜𝙖𝙣𝙖"

𝐏𝐒𝐀, 𝐌𝐎-𝐇𝐀𝐓𝐀𝐆 𝐎𝐆 𝐍𝐀𝐓𝐈𝐎𝐍𝐀𝐋 𝐈𝐃 𝐏𝐀𝐏𝐄𝐑 𝐅𝐎𝐑𝐌 𝐒𝐀 𝐌𝐆𝐀 𝐍𝐀𝐁𝐀𝐇𝐀𝐀𝐍 𝐒𝐀 𝐈𝐋𝐈𝐆𝐀𝐍

𝐁𝐀𝐘𝐀𝐍𝐈𝐇𝐀𝐍 𝐕𝐈𝐋𝐋𝐀𝐆𝐄, 𝐓𝐔𝐊𝐔𝐑𝐎𝐍 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘

𝐋𝐀𝐍𝐓𝐀𝐖𝐀: