News

𝐏𝐀𝐇𝐈𝐁𝐀𝐋𝐎 : 𝐊𝐀𝐑𝐔𝐍𝐆 𝐀𝐃𝐋𝐀𝐖𝐀 𝐌𝐀𝐆𝐒𝐔𝐆𝐎𝐃

👉𝐎𝐍𝐄 𝐒𝐓𝐎𝐏 𝐒𝐇𝐎𝐏 – 𝐃𝐎𝐂𝐔𝐌𝐄𝐍𝐓𝐀𝐑𝐘 𝐑𝐄𝐂𝐎𝐕𝐄𝐑𝐘 𝐀𝐒𝐒𝐈𝐒𝐓𝐀𝐍𝐂𝐄 𝐏𝐑𝐎𝐆𝐑𝐀𝐌 (𝐃𝐑𝐀𝐏)

Alang sa mga nawalaan og mga importanteng dokumento, sama sa Birth, Death ug Marriage Certificate, PWD ID, Sr. Citizen ID ug Booklet, Ayaw kabalaka kay adunay ipahigayon nga ONE STOP SHOP – DOCUMENTARY RECOVERY ASSISTANCE PROGRAM (DRAP) ang LGU Iligan.

🗓 March 2, 2026 (Monday)

📍 3rd Floor, Robinsons Place Iligan

Time : 10am

Ang DRAP usa ka one-stop shop nga maghatag og tabang sa pag-recover ug pagproseso sa mga importante nga dokumento nga naapektuhan sa kalamidad.

Duol na, magpa-assist na, ug ayaw sayanga ang kahigayonan nga mapadali ang inyong papeles!

#DRAP #OneStopShop #Iligan #TabangSaKatawhan

PEZA to Lead NSC Property & New Opportunities for Iligan!

Gusto nako i-share kaninyo ang mga nindot nga balita gikan sa atong official travel sa Manila. Kauban nato ang atong City Legal Officer, Atty. Bert Padilla, nakig-meeting kita sa Philippine Economic Zone Authority (PEZA) led by Director General Tereso O. Panga.

💼 Unsa may plano sa NSC Property?

Klarohon nato: our goal is to find the best path forward para sa NSC. This isn't just about "reviving" the old plant, but about opening the property to proper and serious investors who can bring real development to Iligan.

Sa atong diskusyon, the PEZA will now take the lead sa pagpangita og mga world-class investors. Dili lang sila ang motabang kanato, apil usab ang:

• National Development Company (NDC): Ang investment arm sa atong gobyerno.

• Maharlika Investment Corporation (MIC): Sila ang mo-assist pinaagi sa Maharlika Funds aron ma-pondohan ang development sa NSC area ug maka-attract og dagkong capital investments.

🤔 Nganong importante ni sa mga Iliganon?

Dili lang ni basta "yuta." This is a huge opportunity for our city! Once we find the right investors—be it for manufacturing, industrial hubs, or technology—it means:

✅ Dugang Trabaho para sa atong mga skilled workers.

✅ Economic Growth – Mas molig-on ang atong lokal nga negosyo.

✅ Higher Revenues – Aron mas daghan tag pondo para sa mga serbisyo publiko.

Dili kita mohunong hangtod dili nato makita ang tinuod nga pag-asenso niining maong asset sa atong dakbayan. Panahon na nga mapuslan ang NSC Property para sa kaayohan sa tanan.

Padayon, Asenso Iliganon!

#AsensoIliganon #IliganCity #MayorFreddieSiao #NSCProperty #PEZA #NDC #MaharlikaInvestment #TrabahoParaSaIliganon #FreddieSiao #MayorSiao

𝐏𝐚𝐠𝐥𝐚𝐮𝐦 𝐀𝐥𝐚𝐧𝐠 𝐬𝐚 𝐈𝐥𝐢𝐠𝐚𝐧: 100 𝐤𝐚 𝐦𝐨𝐝𝐮𝐥𝐚𝐫 𝐬𝐡𝐞𝐥𝐭𝐞𝐫 𝐮𝐧𝐢𝐭𝐬 𝐠𝐢𝐤𝐚𝐧 𝐬𝐚 𝐃𝐇𝐒𝐔𝐃!

Padayon ang paningkamot ni Mayor Freddie Siao aron matabangan ang Iligan hilabi na ang mga pamilyang naapektuhan sa kalamidad. Pinaagi sa suporta sa 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐮𝐦𝐚𝐧 𝐒𝐞𝐭𝐭𝐥𝐞𝐦𝐞𝐧𝐭𝐬 𝐚𝐧𝐝 𝐔𝐫𝐛𝐚𝐧 𝐃𝐞𝐯𝐞𝐥𝐨𝐩𝐦𝐞𝐧𝐭 (DHSUD) human sa kalisod nga gidala sa Bagyong Basyang.

✅ 100 ka Modular Shelter Units ang ipaabot para sa Bayanihan Village

✅ Uban pa nga housing projects giistoryahan na sa NHA

✅ Lakip ang plano sa pag-settle sa yuta sa Sta. Elena human sa 15 ka tuig nga paghulat

𝐒𝐚𝐥𝐚𝐦𝐚𝐭, 𝐃𝐇𝐒𝐔𝐃 𝐮𝐠 𝐌𝐚𝐲𝐨𝐫 𝐒𝐢𝐚𝐨, 𝐬𝐚 𝐩𝐚𝐠𝐝𝐚𝐥𝐚 𝐨𝐠 𝐭𝐢𝐧𝐮𝐨𝐝 𝐧𝐠𝐚 𝐩𝐚𝐠𝐥𝐚𝐮𝐦 𝐬𝐚 𝐦𝐠𝐚 𝐈𝐥𝐢𝐠𝐚𝐧𝐨𝐧! 𝐏𝐚𝐝𝐚𝐲𝐨𝐧 𝐭𝐚 𝐬𝐚 𝐩𝐚𝐠𝐛𝐚𝐧𝐠𝐨𝐧!

"𝙃𝙖𝙣𝙜𝙖𝙙 𝙉𝙖𝙩𝙞𝙣𝙜 𝙇𝙖𝙝𝙖𝙩, 𝙋𝙖𝙢𝙖𝙮𝙖𝙣𝙖𝙣𝙜 𝙃𝙖𝙣𝙙𝙖, 𝘼𝙠𝙩𝙞𝙗𝙤 𝙖𝙩 𝙈𝙖𝙨𝙖𝙜𝙖𝙣𝙖"

This March, let us strengthen fire safety awareness and preparedness in our homes, workplaces, and communities. Ang kaluwasan sa matag pamilya magsugod sa disiplina ug responsableng pag-amping.

Together, let us build a community that is ready, proactive, and resilient.

#FirePreventionMonth2026 #BFP #FireSafePH #firesafety

#AsensoIliganon #IliganCity

𝐏𝐒𝐀, 𝐌𝐎-𝐇𝐀𝐓𝐀𝐆 𝐎𝐆 𝐍𝐀𝐓𝐈𝐎𝐍𝐀𝐋 𝐈𝐃 𝐏𝐀𝐏𝐄𝐑 𝐅𝐎𝐑𝐌 𝐒𝐀 𝐌𝐆𝐀 𝐍𝐀𝐁𝐀𝐇𝐀𝐀𝐍 𝐒𝐀 𝐈𝐋𝐈𝐆𝐀𝐍

Mo-printa og balik ang Philippine Statistics Authority (PSA) og National ID nga paper form alang sa mga nabahaan sa Iligan, sugod sa Marso 4, 2026, sa gipahigayong Document Recovery Assistance Program (DRAP) sa LGU sa 3rd Floor, Robinsons Place Iligan.

Kini aron ma-ilisan ang nawagtang nga National ID o mga ID nga nadaut sa baha.

Pagklaro sa PSA nga paper form ilang mahatag, ug dili ang PVC o plastic cards apan balido gihapon kini ug ihatag nga libre. Kini aron dunay magamit ang mga IDPs sa ilang mga transaksyon.

Ang kolaborasyon sa PSA ug LGU-Iligan nahimong posible human sa pakigkita ni Armien Alorro, ang Head sa Iligan City Disaster Risk Reduction and Management Office, kang Brenda Lynn Castro, ang Officer-in-Charge sa PSA, ug Registration Officer III Paolo Angelo Lozano ganihang buntag.

Ang DRAP lima ka adlaw nga programa sa City Mayor’s Office nga gilangkuban sa City Civil Registrar’s Office, Office of the Senior Citizens Affairs Office, Persons with Disability Affairs Office, ug City Information Office. Gisugdan kini kaganihang buntag diin libreng mihatag og bag-ong ID ug booklet sa mga Senior Citizen, Persons with Disability, ug mga sertipikasyon gikan sa City Civil Registrar.

𝐁𝐀𝐘𝐀𝐍𝐈𝐇𝐀𝐍 𝐕𝐈𝐋𝐋𝐀𝐆𝐄, 𝐓𝐔𝐊𝐔𝐑𝐎𝐍 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘

Gipasalig ni Department of Human Settlements and Urban Development Secretary Jose Ramon Aliling ang labing menus 100 ka Modular Shelter Units (MSUs) alang sa pagtukod ug Bayanihan Village sa lligan City, atol sa pakigtagbo ni Iligan Mayor Frederick W. Siao kaniya ning bag-o.

Atol sa ilang panagtagbo, gihisgutan ang paghatag og housing assistance sa mga biktima sa Bagyong "Basyang".

" Gi-commit ni Secretary Aliling ang pagpadala sa dili momenos 100 modular shelter units (MSUs) para sa pagtukod sa Bayanihan Village sa Iligan City," matud ni Mayor Siao.

Ang pagtukod sa Bayanihan Village parte sa mandatu sa DHSUD sa paghatod sa mas luwas, lig-on, ug dunay dignidad nga mga puy-anan alang sa mga pamilya nga naapektuhan sa kalamidad, pagsiguro sa tabang sa gobyerno nga paspas ang mga paningkamot nga maghatud og bag-ong paglaom sa mga benepisyaryo.

Gihisgutan sab uban ni NHA General Manager Joeben Tai ang dugang housing projects sa lokal nga kagamhanan aron mas daghan pa ang mahatagan og permanenteng puy-anan.

Apil sa gihisgutan ang NSC Land Debt Settlement.

Gitambongan ang tigom nila CEU President Danilo Concepcion, NHA General Manager Joeben Tai, DHSUD Senior Undersecretary Eduardo Robles, Undersecretary Roman Nicholo Molina, ug uban pang mga opisyal sa DHSUD ug NHA.

𝐂𝐈𝐓𝐘 𝐇𝐄𝐀𝐋𝐓𝐇 𝐎𝐅𝐅𝐈𝐂𝐄, 𝐆𝐈-𝐀𝐖𝐇𝐀𝐆 𝐀𝐍𝐆 𝐏𝐔𝐁𝐋𝐈𝐊𝐎 𝐒𝐀 𝐏𝐀𝐆-𝐎𝐁𝐒𝐄𝐑𝐁𝐀𝐑 𝐒𝐀 𝟒𝐒 𝐀𝐑𝐎𝐍 𝐌𝐀𝐋𝐈𝐊𝐀𝐘𝐀𝐍 𝐀𝐍𝐆 𝐃𝐄𝐍𝐆𝐔𝐄

Gi-awhag sa City Health Office (CHO) ang mga residente sa Iligan nga i-obserbar ang 4S aron malikayan nga mataptan og dengue. Kini tungod duna nay 10 ka kaso sa dengue ang Iligan. Ang mga pasyente gikan sa Barangay Tibanga, Tubod, Suarez, Tambacan, Palao, ug Maria Cristina.

Ang 4S naglangkob sa pagpangita sa mga breeding places o mga lugar nga kapangitlogan sa mga lamok ug iyabo, pag-gamit og mga proteksyon sama sa insect repellant ug mga sinina nga taas og bukton ug karsones, magpakonsulta dayun sa ospital kung dunay mga sintomas sa dengue, ug suportahan ang fogging ug spraying sa mga lugar nga taas og kaso sa dengue.

Pahimangno sa CHO, apil sa mga sintomas sa dengue ang balik-balik nga hilanat, sakit sa ulo, sakit likod sa mata, panurok, pagkalipong ug pagsuka, ug panakit sa lawas. Samtang warning signs sa dengue ang grabeng sakit sa tiyan, sige og suka, pagkaluya, pagdugo sa lagus o kaha ilong, dugo sa suka o hugaw, ug dili ka-ihi sa unom ka oras. Sumala sa CHO, ang tawo nga dunay warning signs posibleng makasinati og mga komplikasyon. Ang pagkanaug sa hilanat dili sinyales sa pagka-ayo sa dengue, Gi-awhag nga magpakonsulta dayun sa ospital o pinakaduol nga health center.

Gilauman ang pagsaka sa kaso sa dengue human sa pag-ulan-ulan, bagyo, ug baha tungod sa nahabilin nga tubig sa palibot.

𝐋𝐀𝐍𝐓𝐀𝐖𝐀:

Padayon ang clearing o paghakot sa nahabiling mga lapok ug debris sa barangay Mahayahay samtang sundon sab pagkolekta sa Public Service Division (PSD) ang mga basura. Kini tungod duna pay mga residente nga galimpyo sa ilang mga balay, gahabwa sa mga lapok og basura, ug ginatapok sa karsada.

Duna sab mga area nga nagkinahanglan og gagmay nga equipment, samtang ang ubang eskinita, mano-mano lang ang paglimpyo tungod dili masudlan og mga ekipo tungod sa kagamay sa dalan.

Gipahigayon sab ang flushing sa mga dalan nga dili na barado ang drainage, samtang nagpadayon sab ang de-clogging o pagtanggal sa mga lapok nga mibara sa ubang lutsanan sa tubig.

Kamolo sab ang clearing sa ubang parte sa Barangay Tambacan.

967 𝐊𝐀 𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍 𝐒𝐀 𝐈𝐋𝐈𝐆𝐀𝐍, 𝐍𝐀𝐊𝐀𝐁𝐄𝐍𝐄𝐏𝐈𝐒𝐘𝐎 𝐒𝐀 𝐄𝐗𝐏𝐀𝐍𝐃𝐄𝐃 𝐂𝐄𝐍𝐓𝐄𝐍𝐀𝐑𝐈𝐀𝐍𝐒 𝐀𝐂𝐓; 𝐏𝐀𝐆𝐏𝐀𝐑𝐄𝐇𝐈𝐒𝐓𝐑𝐎 𝐒𝐀 𝐎𝐒𝐂𝐀, 𝐆𝐈-𝐀𝐖𝐇𝐀𝐆

Mi-abot og 967 ka Senior Citizen sa Iligan City ang nakadawat sa benepisyo subay sa Expanded Centenarians Act, sumala ni Mary Jean Asum, ang Regional Director sa National Commission on Senior Citizens Region 10.

Nahimo kining posible tungod as aktibong pag-assist sa Office of the Senior Citizens Affairs (OSCA) sa mga senior citizens.

Ning bag-o, nakadawat og tag P10,000 ang mga senior citizen sa Iligan nga kwalipikado sa benepisyo.

Mapasalamaton ang usa ka benepiyaryo sa Dalipuga kay duna na siyay dugang ikapalit sa gi-mintinar nga tambal ug gatas.

Ang Expanded Centenarians Act (Republic Act No. 11982), nga gipirmahan niadtong February 26, 2024, sa Pilipinas, ga-palapad sa cash gifts ngadto sa mga Filipino nga seniors edad 80, 85, 90, ug 95, diin hatagahn og ₱10,000 ang matag usa kanila, dugang sa ₱100,000 nga ihatag sa mga centenarians (100 years old).

Nanghinaot ang NCSC nga daghan pa ang matagaan nga Senior Citizens.

Aghat nila sa mga Senior Citizens nga magparehistro sa OSCA aron makadawat sila niini ig tungtong nila sa nahisgutan nga edad.

𝐌𝐆𝐀 𝐁𝐀𝐑𝐀𝐍𝐆𝐀𝐘 𝐎𝐅𝐅𝐈𝐂𝐈𝐀𝐋𝐒, 𝐆𝐈𝐇𝐀𝐍𝐆𝐘𝐎 𝐍𝐆𝐀 𝐌𝐎-𝐓𝐀𝐁𝐀𝐍𝐆 𝐒𝐀 𝐑𝐄𝐕𝐀𝐋𝐈𝐃𝐀𝐓𝐈𝐎𝐍 𝐒𝐀 𝐌𝐆𝐀 𝐈𝐃𝐏𝐬

Gihangyo ni City Administrator Darwin Manubag atol sa flag ceremony kagahapon, Marso 2, 2026, ang mga Opisyal sa mga Barangay nga apektado sa bagyong Basyang nga mo-tabang sa revalidation sa mga na intake nga mga apektado sa baha.

Gihimo sa Iligan City Peoples Council (ICPC), Gender and Development Office, Daycare Teachers, Barangay Affairs Office, ug City Social Welfare and Development (CSWD) ang revalidation.

Sumala niya nga ang mga official sa barangay ang mas nakaila sa ilang kung kinsa sa ilang mga residente ang tinuod nga apektado sa bagyong Basyong.

"Dako kaayo og tabang ang atong barangay officials. Kung naa tay nakita nga wala gyod nabahaan, pwede na nato i-report sa atong CSWD. Mahimo manang unfair sa mga nabahaan nga wala nakadawat, unya kadtong wala nabahaan mao na nuoy nakadawat," sumala ni Manubang.

Gi-awhag ang pag-report ngadto sa CSWD kung dunay mga sakay sa panahon o wala magtug-an sa tinuod nga kahimtang sa ilang puy-anan.

Tuyo sa LGU nga masiguro nga ang mga benepisyaryo sa assistance mao kadtong kwalipikado ug nasulod sa mga giya ug criteria nga gitakda sa nagkalain-laing ahensya sa gobyerno.

Sa unang adlaw pa lang sa pag-intake, gi-awhag na ug gilambigit ang mga opisyales sa barangay nga mo-assist ug mo-beripika sa identity sa mga gi-intake nga Internally Displaced Persons (IDPs).

𝐋𝐀𝐍𝐓𝐀𝐖𝐀:

Gihatud ang 375 ka tag lima kilo nga bugas, ug 375 ka-food packs sa Purok 1, 2, 3, 10, 10A, ug 15 sa barangay Kiwalan kagahapon, Pebrero 26, 2026.

Gapadayon ang paghatud og relief goods sa mga apektado sa bagyong Basyang sa Iligan samtang duna pay gaabot nga mga ayuda gikan sa mga ahensya sa gobyerno ug mga pribadong donors, sumala ni Freidrich Castro, ang Information Officer sa Incident Management Team.

𝐌𝐆𝐀 𝐂𝐔𝐒𝐓𝐎𝐌𝐄𝐑 𝐒𝐀 𝐈𝐋𝐏𝐈 𝐍𝐆𝐀 𝐍𝐀𝐁𝐀𝐇𝐀𝐀𝐍, 𝐆𝐈-𝐀𝐁𝐈𝐒𝐎𝐇𝐀𝐍 𝐍𝐆𝐀 𝐋𝐈𝐌𝐏𝐘𝐔𝐇𝐀𝐍 𝐔𝐆 𝐈𝐏𝐀𝐒𝐔𝐒𝐈 𝐃𝐀𝐀𝐍 𝐀𝐍𝐆 𝐄𝐋𝐄𝐂𝐓𝐑𝐈𝐂𝐀𝐋 𝐂𝐎𝐍𝐍𝐄𝐂𝐓𝐈𝐎𝐍𝐒 𝐔𝐆 𝐌𝐆𝐀 𝐀𝐏𝐀𝐑𝐀𝐓𝐔𝐒 𝐒𝐀 𝐁𝐀𝐋𝐀𝐘

Dili maka reenergize ang Iligan Light and Power Inc. (ILPI) sa kabalayan ga nabahaan kung wala malimpyohi ug ma-check ang electrical connections ug mga apparatus sa mga balay, sumala ni Dioniso C. Tano, ang Unit Head- Line Maintenance sa ILPI. Kini tungod naniguro sila nga luwas ang residente ug ilang empleyado atol sa pag-ayo sa electrical connections.

Posibleng makuryentehan o mahimong hinungdan sa sunog kung basa pa ang mga electrical connections sa maong balay.

"Dapat ang customer nga adtuan [ire-energize] nato dapat naka limpyo na sila, ready na sila o pwede na mapuy-an ang ilang balay. Dili gyud na nato pwede ma reenergize sa ILPI kay unsafe mana siya," sumala ni Tano.

Dunay rekomendasyon ang barangay kung asa na nga mga area nga ang cleared ug pwede nang inspeksyunon sa Integrated Electrical Engineers, Office of the Building Official, ug City Electrical Services. Mag-agad sab ang pag-ilis sa mga electrician sa nabasa nga mga swtiches, plangka, ug electrical outlets kung kanus-a makapalit niini ang customer.

Sa pagkakaron, aduna nay mga kostumer sa Mahayahay nga nabalik na ilang suplay sa kuryente, ug mga customer nga cleared ug luwas na i-reenergize.

Kamulo sab karon ang pag-ayo sa mga damaged secondary lines sa Pigtul-iran sa Barangay Pugaan human naguba ang 16 ka mga poste (secondary structures) sa landslides ug baha.

Ga-padayon ang clearing ug rehabilitation sa ubang mga dapit.

[Pebrero 27, 2026| via CEC]

LEPTOSPIROSIS UPDATE | As of February 25, 2026

Sumala sa pinakahuling data:

🔹 Total Suspected Leptospirosis Cases: 58

🔹 Admitted sa GTLMH: 9

🔹 Outpatient: 49

🔹 IDP's nga wala na sa ECs (Homebased): 53

🔹 Gikan sa Evacuation Centers (ECs): 5

Sa karon, mas daghan ang suspected cases nga anaa sa panimalay tungod kay padayon pa sila sa pagpanglimpyo sa ilang mga balay. Tungod sa exposure sa tubig baha ug mga lapok, mas taas ang risgo sa sakit nga leptospirosis.

Tungod niini, walay hunong ang paningkamot sa City Health Office (CHO) kauban ang DOH sa pagmonitor, paghatag tambal, ug pagsiguro nga adunay kasulbaran ang maong sitwasyon.

Padayon kita sa pag-amping. Likayi ang paglusong sa baha kon dili kinahanglan, magsuot og botas ug proteksyon, ug dayon magpakonsulta kon adunay sintomas sama sa hilanat, kasakit sa kalawasan, o pagsuka.

#StaySafeIligan #HealthUpdate #OneIligan

𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐓𝐔𝐁𝐎𝐃, 𝐋𝐀𝐍𝐀𝐎 𝐃𝐄𝐋 𝐍𝐎𝐑𝐓𝐄

Dako kaayong pasalamat sa LGU Iligan sa personal nga pagtunol og tabang alang sa mga pamilyang naapektuhan sa baha dinhi sa atong siyudad.

Pinaagi kini sa paningkamot ni 𝐌𝐮𝐧𝐢𝐜𝐢𝐩𝐚𝐥 𝐌𝐚𝐲𝐨𝐫 𝐃𝐢𝐨𝐧𝐢𝐬𝐢𝐨 𝐘. 𝐂𝐚𝐛𝐚𝐡𝐮𝐠 𝐉𝐫., 𝐕𝐢𝐜𝐞 𝐌𝐚𝐲𝐨𝐫 𝐂𝐥𝐢𝐟𝐟𝐨𝐫𝐝 𝐉𝐮𝐦𝐚𝐥𝐨𝐧, 𝐮𝐠 𝐚𝐧𝐠 𝐌𝐮𝐧𝐢𝐜𝐢𝐩𝐚𝐥 𝐂𝐨𝐮𝐧𝐜𝐢𝐥 𝐬𝐚 𝐓𝐮𝐛𝐨𝐝, 𝐋𝐚𝐧𝐚𝐨 𝐝𝐞𝐥 𝐍𝐨𝐫𝐭𝐞, 𝐮𝐛𝐚𝐧 𝐧𝐢 𝐉𝐨𝐮𝐥𝐢𝐞𝐭 𝐋. 𝐎𝐫𝐚𝐢𝐳, 𝐑𝐒𝐖 𝐬𝐚 𝐌𝐮𝐧𝐢𝐜𝐢𝐩𝐚𝐥 𝐒𝐨𝐜𝐢𝐚𝐥 𝐖𝐞𝐥𝐟𝐚𝐫𝐞 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞 (𝐌𝐒𝐖𝐃).

Ang ilang gihatag nga canned goods, bugas, hygiene kits, tubig, groceries, ug mga sanina dako kaayo’g tabang sa atong komunidad hilabi na ang grabing naapektuhan sa kalamidad.

Kini usa ka tin-aw nga ehemplo sa panaghiusa ug tinuod nga pagtinabangay sa panahon sa kalisod.

#TabangIligan

#Bayanihan

#PaDAYONIligan

LANTAWA :

Bisan sa pagpadayon nga ulan, nagpadayon gihapon ang pagpanghatag og tabang sa mga pamilyang epektado sa Brangay Villaverde.

Kamulo ang atong mga volunteers ug mga partners sa pag hatud direkta sa mga kabalayan aron pag siguro nga mahatagan ang matag pamilya sa tabang nga ilang gikinahanglan.

Kini maoy direktiba ni Mayor Freddie Siao,a ron pag siguro nga ang tanan matagaan ug walay mabyaan.

#TabangIligan

#Bayanihan

#PaDAYONIligan

𝐅𝐢𝐥𝐢𝐩𝐢𝐧𝐨 𝐂𝐡𝐢𝐧𝐞𝐬𝐞 𝐅𝐢𝐫𝐞 𝐅𝐢𝐠𝐡𝐭𝐞𝐫𝐬 𝐨𝐟 𝐃𝐚𝐯𝐚𝐨, 𝐈𝐧𝐜.,

Daghan kaayong salamat sa 𝐅𝐢𝐥𝐢𝐩𝐢𝐧𝐨 𝐂𝐡𝐢𝐧𝐞𝐬𝐞 𝐅𝐢𝐫𝐞 𝐅𝐢𝐠𝐡𝐭𝐞𝐫𝐬 𝐨𝐟 𝐃𝐚𝐯𝐚𝐨, 𝐈𝐧𝐜., pinaagi ni 𝐌𝐚’𝐚𝐦 𝐅𝐚𝐭𝐢𝐦𝐚-𝐈𝐧𝐝𝐞𝐫𝐚𝐡 𝐃. 𝐃𝐢𝐬𝐨𝐦𝐢𝐦𝐛𝐚, sa inyung padayon nga suporta ug pagtabang.

Sa panaghiusa sa tanan, nagpadayon ang Iligan sa pagbangon — lig-on, malinawon, ug walay mabiyaan.

#TabangIligan

#Bayanihan

#PaDAYONIligan

𝐌𝐆𝐀 𝐒𝐈𝐋𝐈𝐍𝐆𝐀𝐍𝐆 𝐋𝐔𝐍𝐆𝐒𝐎𝐃 𝐒𝐀 𝐈𝐋𝐈𝐆𝐀𝐍, 𝐌𝐆𝐀 𝐁𝐎𝐋𝐔𝐍𝐓𝐀𝐑𝐘𝐎, 𝐌𝐈𝐏𝐀𝐊𝐈𝐓𝐀 𝐒𝐀 𝐊𝐔𝐒𝐎𝐆 𝐒𝐀 𝐏𝐀𝐆𝐓𝐈𝐍𝐀𝐁𝐀𝐍𝐆𝐀𝐘

Miboluntaryo si Phyllis Namocatcat, usa ka residente sa Iligan, paglimpyo sa Barangay Tambacan human nabahaan ang dapit. Sumala niya, dili sayon ang makasinati og kalamidad busa importante ang pagtinabangay aron mapadali ang pagbangon mga apektado.

Samtang nahimo sab nga Public Information Officer sa Emergency Operations Center (EOC) si Manticao Municipal Disaster Risk Reduction and Management Office Assistant Divina Suson, gawas nga mipadala og heavy equipment ang ilang munisipyo aron makatabang sa clearing operations.

“Dili lang tungod kay naay Memorandum Of Agreement ang LGU Manticao ug LGU Iligan nga magtinabangay in times of calamity busa naa mi mitabang but tungod kay nakita namo nga kinahanglan jud mi motabang kay silingan raman gud nga LGU. Busa mipadala og resources sa amoang mayor, si Mayor Stephen Tan,” sumala niya.

Lakip sab sa mga nauna nga mi-responde ang lungsod sa Tubod nga mipadala og Medical Team ug Urban Search and Rescue Team, gipangunahan sa ila mismong DRRM Officer nga si Vicmar Pancho Paloma. Sumala ni Tubod Mayor Dionisio Cabahug, nagsumikad ilang pagtabang sa panaghigala sa Tubod ug Iligan, ug sa pagtabang sab sa Iligan kanila sa mga nangagi nga kalamidad.

Medical team sab ang gipadala sa lungsod sa Matungao, ug nahimong Planning Section Chief sa Incident Management Team dinhi ang ilang DRRM Officer nga si Jalil Ludag.

Gipadala usab sa ilang matag LGU ang mga DRRMO heads sa Kapatagan, Sapad ug Sultan Naga Dimaporo, Lanao del Norte aron makatabang sa gihimo nga Rapid Disaster Assessment and Needs Analysis (RDANA). Human sa RDANA, mitabang si Kapatagan DRRMO Joy Dela Torre sa operasyon sa EOC.

Pipila lang sila sa gatusan ka mga volunteers ug mga lungsod nga mitubag sa dakong panginahanglanon sa Iligan sa ilang kahanas, kagamitan, manpower, ug ubang mga rekurso.

Ang LGU-Iligan dunay gilahi nga higayon ug espasyo sa pagpasalamat sa tanang mitabang sa syudad.

[Pebrero 25, 2026| LMN]

𝐆𝐈𝐘𝐀 𝐏𝐀𝐆𝐒𝐈𝐆𝐔𝐑𝐎 𝐍𝐆𝐀 𝐆𝐄𝐍𝐃𝐄𝐑 𝐑𝐄𝐒𝐏𝐎𝐍𝐒𝐈𝐕𝐄 𝐀𝐍𝐆 𝐌𝐆𝐀 𝐏𝐑𝐎𝐆𝐑𝐀𝐌𝐀 𝐒𝐀 𝐋𝐆𝐔, 𝐆𝐈𝐇𝐈𝐒𝐆𝐔𝐓𝐀𝐍 𝐒𝐀 𝐆𝐅𝐏𝐒

Gipasabot sa Department of the Interior and Local Government (DILG) ang kamahinungdanon sa pagsunod sa Harmonized Gender and Development Guidelines (HGDG) aron masiguro nga ang tanang programa, proyekto, ug kalihokan sa lokal nga kagamhanan adunay gender perspective ug nagtagad sa panginahanglan sa tanang sektor sa katilingban. Kini atol sa Special Meeting sa Gender and Development Focal Point System (GFPS) karung adlawa.

Dugang pagpasabot sa DILG nga pinaagi sa husto nga pag-apply sa HGDG, masiguro nga ang GAD budget ug mga programa sa LGU gender responsive, inklusibo, ug epektibo sa pagtubag sa nagkalain-laing gender issues sa komunidad.

Kabahin usab sa gihisgutan ang selebrasyon sa National Women’s Month. Usa sa mga pinaka highlight nga kalihokan mao ang Foot Parade sa Marso 8, 2026 nga pagatambongan sa nagkadaiyang departamento sa LGU, mga women’s organizations sa matag barangay, Non-Government Organizations (NGOs), LGBTQIA+ community, ug uban pang sektor aron ipakita ang panaghiusa sa pagpalambo sa katungod sa kababayen-an ug gender equality.

Ang maong kalihokan nagpakita sa padayon nga paningkamot sa lokal nga kagamhanan sa pagpalig-on sa gender mainstreaming ug sa paghatag og patas nga oportunidad alang sa tanan.

[Pebrero 24, 2026 | Joeri Lazarte]

𝐃𝐇𝐒𝐔𝐃: 𝐕𝐀𝐋𝐈𝐃𝐀𝐓𝐈𝐎𝐍 𝐒𝐀 𝐌𝐆𝐀 𝐍𝐀𝐆𝐔𝐁𝐀𝐀𝐍 𝐎𝐆 𝐁𝐀𝐋𝐀𝐘 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆 𝐒𝐀 𝐈𝐋𝐈𝐆𝐀𝐍, 𝐍𝐀𝐆𝐏𝐀𝐃𝐀𝐘𝐎𝐍

Padayon ang validation sa Department of Human Settlement and Urban Development ( DHSUD) sa mga Internally Displaced Persons sa Pugaan og musunod na usab ang ubang mga barangay nga apektado sa Bagyong Basyang, sumala ni Judith Abao, ang Project Development Officer 5 Division Chief sa DHSUD atol sa Local Inter-agency Committee Meeting for Permanent Shelter TS Basyang.

Gipasabot ni Abao nga dako nga hagit kanila ang pagvalidate sa mga datus nga gikan sa Department of Social Welfare and Development (DSWD) tungod lahi kini og guidelines sa guidelines nga ilang gisunod sa pag-klasipika sa Partially Damaged og Totally Damaged nga mga pinuy-anan.

Ang pagvalidate sa DHSUD kinahanglan alang sa ilang paghatag og Integrated Disaster Shelter Assistance (IDSAP).

Ang IDSAP usa ka Emergency Shelter Assistance alang sa mga pamilyang nawad-on og panimalay tungod sa kalamidad. Dunay financial aid niini nga programa aron magamit sa mga apektadong pamilya sa pag-renta og kapuy-an.

Ang mga IDPs nga Totally Damaged o dili na mapuy-an ang balay, mamahimong m makadawat og P50,000.00 nga cash assistance. Samtang ang IDPs nga Partially Damaged ang balay o mahimo pang ipaayo ang balay, mamahimong makadawat usab og P20,000.00 nga cash assistance.

[Pebrero 25,2026| LMN]

𝐏𝐀𝐆𝐒𝐔𝐒𝐏𝐄𝐍𝐃𝐄 𝐒𝐀 𝐊𝐋𝐀𝐒𝐄 𝐌𝐀𝐆-𝐀𝐆𝐀𝐃 𝐒𝐀 𝐒𝐈𝐓𝐖𝐀𝐒𝐘𝐎𝐍 𝐒𝐀 𝐋𝐔𝐆𝐀𝐑, 𝐏𝐈𝐍𝐀𝐀𝐆𝐈 𝐒𝐀 𝐊𝐎𝐎𝐑𝐃𝐈𝐍𝐀𝐒𝐘𝐎𝐍 𝐒𝐀 𝐁𝐀𝐑𝐀𝐍𝐆𝐀𝐘

Subay sa DepEd Order No. 22, s. 2026, nga giya sa pagsuspende sa mga klase ug trabaho sa mga eskwelahan panahon sa katalagman, emerhensiya, ug susamang kahimtang, dili kinahanglan nga ipatuman ang pagsuspende sa mga klase sa tibuok dibisyon kon ang hulga o emerhensiya nakaapekto lamang sa piho nga mga barangay o komunidad. Ang pagsuspende ipatuman lamang sa mga lugar nga aktuwal nga apektado.

Kung adunay pagbaha, grabeng samok sa panahon, kadaot sa imprastruktura, pagkaputol sa kuryente, hulga sa kaluwasan sa publiko, o susamang kahimtang nga nagbutang sa peligro sa pag-eskwela, ang pagsuspender sa klase ipatuman lamang sa apektadong barangay o school catchment area.

Ang tanang School Heads gimandoan sa pakigkoordinar sa ilang tagsa-tagsa ka Punong Barangay aron masusi ug mapamatud-an ang aktuwal nga kahimtang sa lugar. Lakip niini ang kahimtang sa mga dalan, kaluwasan sa mga estudyante ug kawani, ug ang kinatibuk-ang risgo sulod sa barangay.

Mokuha og opisyal nga sinulat nga komunikasyon, sertipikasyon, o situational report gikan sa Punong Barangay isip basehan sa pagrekomenda o pagpatuman sa lokal nga pagsuspende sa klase.

Ipahibalo dayon sa Opisina sa Schools Division Superintendent, pinaagi sa Public Schools District Supervisor, ang bisan unsang girekomenda o gipatuman nga lokal nga pagsuspende. Kinahanglan klaro ang legal ug tinuod nga basehan, ug ilatid ang mga barangay, grado, o eskwelahan nga apektado.

Siguruhon nga walay estudyante, magtutudlo, o non-teaching personnel ang motungha sa eskwelahan kon ang kahimtang sa ilang barangay nagbutang og peligro sa ilang kaluwasan ug kaayohan.

Gi-awhag usab ang pagpatuman sa angay nga alternative delivery modes of learning, kon mahimo, aron masiguro ang padayon nga paghatag sa serbisyo sa edukasyon panahon sa pagsuspende, subay sa kasamtangang mga polisiya sa DepEd.

***Mi-abiso sab ang Incident Commander sa Incident Managament Team sa mga Punong Barangay nga mangunay na pagkoordinar sa mga Prinsipal.

We would like to hear from you

Send us your feedback, comments and suggestions to help improve our services

Iligan City

What's Happening

𝐏𝐀𝐇𝐈𝐁𝐀𝐋𝐎 : 𝐊𝐀𝐑𝐔𝐍𝐆 𝐀𝐃𝐋𝐀𝐖𝐀 𝐌𝐀𝐆𝐒𝐔𝐆𝐎𝐃

PEZA to Lead NSC Property & New Opportunities for Iligan!

𝐏𝐚𝐠𝐥𝐚𝐮𝐦 𝐀𝐥𝐚𝐧𝐠 𝐬𝐚 𝐈𝐥𝐢𝐠𝐚𝐧: 100 𝐤𝐚 𝐦𝐨𝐝𝐮𝐥𝐚𝐫 𝐬𝐡𝐞𝐥𝐭𝐞𝐫 𝐮𝐧𝐢𝐭𝐬 𝐠𝐢𝐤𝐚𝐧 𝐬𝐚 𝐃𝐇𝐒𝐔𝐃!

"𝙃𝙖𝙣𝙜𝙖𝙙 𝙉𝙖𝙩𝙞𝙣𝙜 𝙇𝙖𝙝𝙖𝙩, 𝙋𝙖𝙢𝙖𝙮𝙖𝙣𝙖𝙣𝙜 𝙃𝙖𝙣𝙙𝙖, 𝘼𝙠𝙩𝙞𝙗𝙤 𝙖𝙩 𝙈𝙖𝙨𝙖𝙜𝙖𝙣𝙖"

𝐏𝐒𝐀, 𝐌𝐎-𝐇𝐀𝐓𝐀𝐆 𝐎𝐆 𝐍𝐀𝐓𝐈𝐎𝐍𝐀𝐋 𝐈𝐃 𝐏𝐀𝐏𝐄𝐑 𝐅𝐎𝐑𝐌 𝐒𝐀 𝐌𝐆𝐀 𝐍𝐀𝐁𝐀𝐇𝐀𝐀𝐍 𝐒𝐀 𝐈𝐋𝐈𝐆𝐀𝐍

𝐁𝐀𝐘𝐀𝐍𝐈𝐇𝐀𝐍 𝐕𝐈𝐋𝐋𝐀𝐆𝐄, 𝐓𝐔𝐊𝐔𝐑𝐎𝐍 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘

𝐋𝐀𝐍𝐓𝐀𝐖𝐀:

𝐌𝐆𝐀 𝐁𝐀𝐑𝐀𝐍𝐆𝐀𝐘 𝐎𝐅𝐅𝐈𝐂𝐈𝐀𝐋𝐒, 𝐆𝐈𝐇𝐀𝐍𝐆𝐘𝐎 𝐍𝐆𝐀 𝐌𝐎-𝐓𝐀𝐁𝐀𝐍𝐆 𝐒𝐀 𝐑𝐄𝐕𝐀𝐋𝐈𝐃𝐀𝐓𝐈𝐎𝐍 𝐒𝐀 𝐌𝐆𝐀 𝐈𝐃𝐏𝐬

𝐋𝐀𝐍𝐓𝐀𝐖𝐀:

LEPTOSPIROSIS UPDATE | As of February 25, 2026

𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐓𝐔𝐁𝐎𝐃, 𝐋𝐀𝐍𝐀𝐎 𝐃𝐄𝐋 𝐍𝐎𝐑𝐓𝐄

LANTAWA :

𝐅𝐢𝐥𝐢𝐩𝐢𝐧𝐨 𝐂𝐡𝐢𝐧𝐞𝐬𝐞 𝐅𝐢𝐫𝐞 𝐅𝐢𝐠𝐡𝐭𝐞𝐫𝐬 𝐨𝐟 𝐃𝐚𝐯𝐚𝐨, 𝐈𝐧𝐜.,

𝐌𝐆𝐀 𝐒𝐈𝐋𝐈𝐍𝐆𝐀𝐍𝐆 𝐋𝐔𝐍𝐆𝐒𝐎𝐃 𝐒𝐀 𝐈𝐋𝐈𝐆𝐀𝐍, 𝐌𝐆𝐀 𝐁𝐎𝐋𝐔𝐍𝐓𝐀𝐑𝐘𝐎, 𝐌𝐈𝐏𝐀𝐊𝐈𝐓𝐀 𝐒𝐀 𝐊𝐔𝐒𝐎𝐆 𝐒𝐀 𝐏𝐀𝐆𝐓𝐈𝐍𝐀𝐁𝐀𝐍𝐆𝐀𝐘

𝐆𝐈𝐘𝐀 𝐏𝐀𝐆𝐒𝐈𝐆𝐔𝐑𝐎 𝐍𝐆𝐀 𝐆𝐄𝐍𝐃𝐄𝐑 𝐑𝐄𝐒𝐏𝐎𝐍𝐒𝐈𝐕𝐄 𝐀𝐍𝐆 𝐌𝐆𝐀 𝐏𝐑𝐎𝐆𝐑𝐀𝐌𝐀 𝐒𝐀 𝐋𝐆𝐔, 𝐆𝐈𝐇𝐈𝐒𝐆𝐔𝐓𝐀𝐍 𝐒𝐀 𝐆𝐅𝐏𝐒

𝐃𝐇𝐒𝐔𝐃: 𝐕𝐀𝐋𝐈𝐃𝐀𝐓𝐈𝐎𝐍 𝐒𝐀 𝐌𝐆𝐀 𝐍𝐀𝐆𝐔𝐁𝐀𝐀𝐍 𝐎𝐆 𝐁𝐀𝐋𝐀𝐘 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆 𝐒𝐀 𝐈𝐋𝐈𝐆𝐀𝐍, 𝐍𝐀𝐆𝐏𝐀𝐃𝐀𝐘𝐎𝐍