News

𝐏𝐚𝐧𝐢𝐧𝐠𝐤𝐚𝐦𝐨𝐭 𝐮𝐠 𝐏𝐚𝐠𝐩𝐚𝐤𝐚𝐛𝐚𝐧𝐚: 𝐆𝐢𝐩𝐚𝐤𝐢𝐭𝐚 𝐧𝐢 𝐌𝐚𝐲𝐨𝐫 𝐅𝐫𝐞𝐝𝐝𝐢𝐞 𝐒𝐢𝐚𝐨 𝐤𝐚𝐲 𝐃𝐏𝐖𝐇 𝐒𝐞𝐜𝐫𝐞𝐭𝐚𝐫𝐲 𝐕𝐢𝐧𝐜𝐞 𝐃𝐢𝐳𝐨𝐧 𝐚𝐧𝐠 𝐬𝐢𝐭𝐰𝐚𝐬𝐲𝐨𝐧 𝐬𝐚 𝐤𝐚𝐬𝐮𝐛𝐚𝐚𝐧 𝐬𝐚 𝐈𝐥𝐢𝐠𝐚𝐧 𝐇𝐮𝐦𝐚𝐧 𝐬𝐚 𝐁𝐚𝐡𝐚

Mibisita karung buntaga si DPWH Secretary Vince Dizon ug gisusi kauban ni Mayor Frederick Siao ang kasamtangang kahimtang karun sa Tubod, Panul-iran, ug Mandulog Bridges—isip kabahin sa walay hunong nga paningkamot ni Mayor Freddie sa siyudad aron mahatagan og kasulbaran ang problema sa baha sa Iligan.

Sa maong pagbisita, gimando dayon ang dredging sa suba tungod sa grabe nga siltation, gidasig sab ni Sec. Dizon ang pagpaspas sa flood control works, ug gipadali ang pagtukod sa temporaryong footbridge aron mahuman sa dili pa ang Hunyo nga ting-ulan.

Ang panaghiusa sa national ug lokal nga pangagamhanan, nagpadayon alang sa kaluwasan ug kaayohan sa matag Iliganon.

Full Details :

AsensoNewsIligan City. https://www.facebook.com/asensonewsiligan/posts/pfbid0xZjxFMYnBN1KXjPHzfgWX2gmf2QoPns1C5hQLd4RZs1MLzSyvLAJ6hy6BJqVfivDl?__cft__[0]=AZaCk5iBlQqhVR52VZzWxufd6bZ2QusedZo6C4XsIGc97eNHSqTEehw2RCq9s8paUdXBFraHssU-mTKYGiU6689-iejYKnJGOc10VAblQvT_rXHrZ_aTwDIUNzlM8SMxtn09X4U-4-r2ApetYYm1GGss&__tn__=-UK-R

𝐊𝐎𝐍𝐒𝐄𝐇𝐀𝐋 𝐒𝐈𝐀𝐎, 𝐌𝐈𝐇𝐀𝐍𝐆𝐘𝐎 𝐊𝐀𝐍𝐆 𝐏𝐀𝐍𝐆𝐔𝐋𝐎𝐍𝐆 𝐌𝐀𝐑𝐂𝐎𝐒 𝐎𝐆 𝐏𝐔𝐍𝐃𝐎, 𝐀𝐒𝐒𝐈𝐒𝐓𝐀𝐍𝐂𝐄 𝐀𝐋𝐀𝐍𝐆 𝐒𝐀 𝐇𝐈𝐍𝐀𝐍𝐀𝐋𝐈𝐍𝐆 𝐏𝐀𝐆-𝐈𝐌𝐏𝐋𝐄𝐌𝐄𝐍𝐓𝐀𝐑 𝐒𝐀 𝐃𝐑𝐀𝐈𝐍𝐀𝐆𝐄 𝐌𝐀𝐒𝐓𝐄𝐑 𝐏𝐋𝐀𝐍

Mipasa si Konsehal Derrick Thomas P. Siao, ang Chairman sa Committee on Infrastructure, og resolusyon nga naghangyo sa nasudong kagamhanan pinaagi kang Pangulong Ferdinand Marcos Jr. nga mohatag og assistance ug gahinan og pundo ang implementasyon sa Drainage Master Plan sa Iligan.

“Kini nga lakang usa ka responsableng tubag sa grabe nga epekto sa Typhoon Basyang ug sa deklarasyon ang ilalom sa State of Calamity ang Iligan City. Tumong niini nga mapalig-on ang atong drainage system, malikayan ang future flooding, ug masiguro ang kaluwasan sa matag Iliganon,” sumala sa Konsehal.

Dunay parte sa proyekto nga ipatuman sa Department of Public Works and Highways. Duna sab parte sa proyekto nga i-implementar sa LGU. Apan tipik pa lang sa proyekto nga i-implementar sa LGU magkinahanglan na og P936,652,000.

Sumala ni Konsehal Siao, kinahanglanon kaayo sa syudad ang saktong drainage apan dili kaya sa syudad ang kadako sa gikinahanglang pundo.

Ang Iligan dali mabahaan tungod bukid ang 70% sa yuta dinhi ug matapok sa coastal area ang tubig gikan sa bukid. Nakadugang sa baha ang undersized nga kanal, kulang nga outfalls o mga lutsanan sa tubig, paspas nga urban development, siltation, ug problema sa solidwaste.

𝐌𝐆𝐀 𝐎𝐒𝐏𝐈𝐓𝐀𝐋 𝐒𝐀 𝐈𝐋𝐈𝐆𝐀𝐍, 𝐆𝐈-𝐀𝐖𝐇𝐀𝐆 𝐍𝐆𝐀 𝐌𝐀𝐆𝐇𝐈𝐌𝐎 𝐎𝐆 𝐋𝐈𝐏𝐓𝐎𝐒𝐏𝐈𝐑𝐎𝐒𝐈𝐒 𝐅𝐀𝐒𝐓𝐋𝐀𝐍𝐄, 𝐌𝐆𝐀 𝐃𝐔𝐍𝐀𝐘 𝐒𝐈𝐍𝐓𝐎𝐌𝐀𝐒 𝐌𝐀𝐆𝐏𝐀-𝐂𝐇𝐄𝐂𝐊𝐔𝐏

Gi-awhag sa City Health Office ang tanang ospital sa Iligan nga maghimo og li[ptposporosis fastlane aron madali og akatar ang mga nabahaan nga dunay sintomas sa liptospirosis.

Gi-awhag sab ang mga nabahaan nga magpakonsulta dayun kung dunay mga sintomas sama sa taas nga hilanat, panakit sa bagtak ug kalawasan, pagpula sa mata, panakit sa tiyan, paglabad sa ulo, suka-kalibang, pag-dalag sa panit.

Ang liptospirosis sakit nga makuha gikan sa baha nga dunay ihi ug hugaw sa ilaga.

Kahinumduman nga human sa bagyong Basyang, mi-abiso ug nanghatag og Doxycycline ang City Health Office sa mga nalunang sa baha aron malikayan ang sakit. Apan kung sobra 72 ka poras na gikan sa pagkalunang sa baha, kinahanglang magpacheck-up sa doktor ang mga nabahaan. Dunay konsultasyon sa mga evactuation centers ug sa City Hospital.

𝐌𝐆𝐀 𝐍𝐀𝐋𝐔𝐍𝐀𝐍𝐆 𝐒𝐀 𝐁𝐀𝐇𝐀 𝐌𝐎𝐊𝐔𝐇𝐀 𝐎𝐆 𝐃𝐎𝐗𝐘𝐂𝐘𝐋𝐈𝐍𝐄 𝐒𝐀 𝐇𝐄𝐀𝐋𝐓𝐇 𝐂𝐄𝐍𝐓𝐄𝐑𝐒, 𝐓𝐄𝐓𝐀𝐍𝐔𝐒 𝐓𝐎𝐗𝐎𝐈𝐃 𝐀𝐋𝐀𝐍𝐆 𝐒𝐀 𝐒𝐀𝐌𝐃𝐀𝐍 - 𝐂𝐇𝐎

Gahatag og libreng Doxycycline ang mga Barangay Health Centers ug mga evacuation centers sa mga nalunang sa baha.

Ang doxycycline tambal nga tumaron aron mopatay o mopugong sa pagtubo sa bakterya. Kinahanglan niini ang mga nalunang sa baha aron malikayan nga matapatan og liptospirosis. Ang liptospirosis makuha sa hugaw nga tubig-baha nga adunay ihi sa ilaga o hayop. Delikado kini ug posibleng makamatay.

Ang bakterya nga Leptospira mosulod sa lawas pinaagi sa samad o garas sa panit, mata, ilong, o baba.

Ang mga nalunang sa baha kinahanglan moinum og 200mg. nga doxycycline. Apan kung dunay samad, kinahanglan moinum og 200mg sulod sa tulo o lima ka adlaw, depende sa assessment sa health workers. Kinahanglan sab motumar niini kung ma-expose pagbalik sa tubig baha samtang manglimpyo sa balay.

Lahi sab ang dosage sa mga duna nay sintomas sa liptospirosis sama sa Hilanat, Sakit sa ulo, Sakit sa kaunoran, labi na sa batiis,Pula o sakit nga mata, Pagsuka o kalibanga. Busa gi-awhag ang mga nalunang sa baha nga magpa-assess unâ sa mga health workers sa barangay o kaha sa evacuation center.

Abiso sa City Health Office nga imnun kini nga dunay sulod ang tiyan. Dili pwede niini ang mabdos. Samtang lahi sab ang tambal alang sa mga bata.

Ang City Health Office nakapanghatag na og 819 ka-boxes sa doxycycline o 81,900 tablets.

Ang mga dunay lalom nga samad, giawhag sab nga magpa-inject og bakuna kontra tetanus sa City Health Office ug City Hospital.

𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓, 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐁𝐀𝐋𝐎-𝐈! 🙏💚

Dako kaayong pasalamat sa Municipality of Balo-i, Lanao del Norte sa pagpadala og 1 ka dumptruck ug 2 ka backhoe isip dugang tabang sa atong clearing operations.

Ang inyong suporta dako kaayong tabang aron mapadali ang paglimpyo ug pag-abli pag-usab sa mga dalan sa Dakbayan sa Iligan.

Tinabangay ta alang sa mas paspas nga pagbangon sa atong komunidad. 🤝✨

#Baloi #bayanihan #AsensoIliganon #IliganCity

𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓! 𝐂𝐀𝐆𝐀𝐘𝐀𝐍 𝐃𝐄 𝐎𝐑𝐎 𝐂𝐈𝐓𝐘

Gipadala kagahapon ni Cagayan De Oro City Mayor Rolando 'Klarex' Uy ang ilang team sa pagpangulo ni CDRRMD Chief Nick Jabagat.

Dala nila ang Cagayan de Oro City Disaster Risk Reduction and Management Department - USAR (Urban Search and Rescue) team, City Engineering Office ug City Equipment Depot.

Daling mipahigayon og road clearing operation o pagpanghinlo sa dalan diha sa Poblacion, Iligan City, human sa gibilin nga hugaw ug lapok tungod sa baha.

612 TOTAL KITS: Kusog ug Paspas nga Tabang para sa Brgy. Saray 💪📦

612 ka relief kits ang atong napanghatag sa mga pamilyang naapektuhan sa sunog sa Brgy. Saray. Dili lang kini bahin sa numero, kundi bahin sa pagpakita nga naa mi uban nila sa lisod nga higayon.

Sa among pag-adto, makita gyud ang kakapoy ug kasakit—apan makita pud ang kahupayan sa dihang naabot ang tabang. Ang pagkaon, hygiene kits, mga higdaanan ug gamit sa kusina dako kaayo’g tabang sa ilang adlaw-adlaw samtang nagtan-aw pa sila unsaon pagbangon pag-usab.

Kini nga 612 ka kits naggikan sa DSWD ug Office of Civil Defense, ug among gihatag pinaagi sa hiniusang paningkamot sa ICDRRMO, CSWD, DILG, City Council, ug Brgy. Saray officials.

Gipasabot nako nga paspas na ang atong response karon tungod kay giandam na daan ang sistema. Pinaagi sa Incident Command System (ICS), klaro ang koordinasyon sa matag ahensya sa dihang naay insidente—mas paspas ang lihok, mas dali ang tabang.

Padayon usab ta sa pagtan-aw unsa pa’y makatabang sa sunod nga mga adlaw. Magdugang ta og mobile kitchen tungod kay dakong kahupayan kini sa mga pamilyang naapektuhan. Aduna usab tay financial assistance gikan sa City Mayor’s Office; pero kinahanglan pa i-process ang mga dokumento niini aron masakto ug hapsay ang paghatag.

Dili man dayon mawala ang kasakit, pero bisan gamay nga tabang, kung sakto sa oras, dakò kaayo’g kausaban.

Padayon ta sa pagtinabangay aron matag pamilyang Iliganon makabangon pag-usab.

#AsensoIliganon #BangonSaray #MayorSiaoCares #SerbisyongSiaoSerbisyongWow

#612TotalKits #ICDRRMOProactive #TeamWorksMakesDRRMWorks #FreddieSiao #MayorSiao #IliganCity

𝐎𝐏𝐋𝐀𝐍 𝐁𝐈𝐒𝐈𝐓𝐀 𝐌𝐈𝐇𝐀𝐓𝐀𝐆 𝐒𝐄𝐑𝐁𝐈𝐒𝐘𝐎𝐍𝐆 𝐌𝐄𝐃𝐈𝐊𝐀𝐋, 𝐓𝐀𝐁𝐀𝐍𝐆 𝐒𝐀 𝐌𝐆𝐀 𝐁𝐄𝐍𝐈𝐏𝐈𝐒𝐘𝐀𝐑𝐘𝐎 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐓𝐀. 𝐄𝐋𝐄𝐍𝐀

Naghatag og libreng serbisyo medikal ug tabang sa upat ka masakiton sa Barangay Sta. Elena ang Oplan Bisita, usa ka programa sa administrasyon ni Mayor Frederick Siao.

Tumong sa maong programa nga mahatod mismo ang serbisyong medikal sa mga panimalay sa mga masakiton nga walay katakos mogasto sa pagpa-checkup sa doktor.

Atol sa pagbisita, gihatagan ang mga pasyente og libreng serbisyong medikal sama sa check-up sa doktor ug libreng tambal. Gihatagan usab sila og mga gamit sa panimalay, bugas, ug pinansiyal nga tabang.

Usa sa mga nakadawat og serbisyo mao si Rhymdhuel D. Cellion, nga bedridden tungod sa sakit nga brain tumor. Ang iyang inahan, si Delia D. Cellion, nagpasalamat sa Oplan Bisita sa pagbisita sa iyang anak ug nanghinaot nga pinaagi sa maong programa, matabangan sila sa mga kinahanglanon niini, ilabina sa mga tambal.

Gawas kang Cellion, laing tulo ka mga pasyente nga adunay diabetes ug tuberculosis ang gibisita ug gihatagan usab og susamang serbisyo.

Janice G. Magsayo

𝐈𝐋𝐈𝐆𝐀𝐍 𝐆𝐈𝐏𝐀-𝐈𝐋𝐀𝐖𝐎𝐌 𝐒𝐀 𝐁𝐋𝐔𝐄 𝐀𝐋𝐄𝐑𝐓; 𝐄𝐎𝐂-𝐈𝐌𝐓 𝐆𝐈-𝐌𝐎𝐁𝐈𝐋𝐈𝐙𝐄

Ubos na sa Blue Alert ang Iligan City tungod sa Tropical Depression Basyang nga masinati sa Huwebes, Pebrero 4, 2026, ug Biyernes, Pebrero 5, 2026. Ang Blue Alert Status nagpasabot nga gapahigayon na ang LGU ug mga ahensya sa gobyerno og risk analysis ug monitoring, dunay pagpangandam, ug contingecy planning for response.

Sumala sa LTJG Asaloum Esmail, ang Station Commander sa Philippine Coastguard-Lanao del Norte, gipahimangno-an na nila ang mga mananagat nga dili magpalawud, ga-angkorahe na ang mga cargo ship sa barangay Kiwalan, ug naka-standby na sab ilang mga floating assets.

Andam sab ang rubber boats sa Task Force Iligan inkaso nga kinahanglanon kini.

Code White sab ang Health Cluster sugod karung adlawa. Nagpasabot nga ang Health Response Team ug mga committees on-call ug mo-report gilayon kung dunay enerhensya. Naka-standby na ang Health Emergency Management Staff (HEMS) or DRRM-H -Disaster Risk Reduction Management in Health.

Samtang andam na sab ang mga heavy equipment operators sa City Engineer’s Office, ug mga sakyanan sa carpool nga makatabang sa evacuation.

Dunay andam nga relief assistance ang City Social Welfare alang sa 150 ka pamilya apan mag-andam og dugang pa. Duna silay Quick Response Team ug andam nga personnel kung dunay evacuation centers nga ablihan.

Lakip mo-assist ang Iligan City Police Office.

Gi-activate na sab ang Incident Command System samtang gi-mobilize ang Emergency Operation Center (EOC) ug Incident Management Team (IMT).

Alang sa mga emerhensya may kalabutan sa TD Basyang, matawagan ang hotline number 𝟎𝟗𝟗𝟑-𝟑𝟗𝟗-𝟒𝟔𝟓𝟔.

𝐃𝐎𝐒𝐓-𝐏𝐀𝐆𝐀𝐒𝐀, 𝐌𝐈-𝐀𝐖𝐇𝐀𝐆 𝐒𝐀 𝐏𝐔𝐁𝐋𝐈𝐊𝐎 𝐍𝐆𝐀 𝐌𝐀𝐆𝐌𝐎𝐍𝐈𝐓𝐎𝐑 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆 𝐒𝐀 𝐌𝐆𝐀 𝐎𝐅𝐅𝐈𝐂𝐈𝐀𝐋 𝐏𝐀𝐆𝐀𝐒𝐀 𝐏𝐀𝐆𝐄𝐒 𝐋𝐀𝐍𝐆

Mi-awhag sa publiko si Michael Mar Demecillo, ang Weather Specialist sa PAGASA, nga sa mga official Facebook Pages lang magmonitor sa Bagyong Basyang. Kini aron malikayan ang mga “fake news” o disinformation ug misinformation.

Sumala niya, dunay mga vloggers ug content creators nga ga-gamit sa PAGASA model ug gahimo og ilang kaugalingon nga interpretasyon o analysis sa lakat sa panahon. Gitataw niya nga posibleng makahatag lang og kalisang o panic ang sayop nga mga impormasyon.

“Diha ra gyud ta sa accurate nga source,” sumala ni Demecillo.

Awhag niya, ifollow ug i-like ang 𝐃𝐎𝐒𝐓-𝐏𝐀𝐆𝐀𝐒𝐀 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞, 𝐌𝐢𝐧𝐝𝐚𝐧𝐚𝐨 𝐏𝐑𝐒𝐃, ug 𝐀𝐠𝐮𝐬 𝐌𝐚𝐧𝐝𝐮𝐥𝐨𝐠 𝐑𝐢𝐯𝐞𝐫 𝐁𝐚𝐬𝐢𝐧 (𝐃𝐨𝐬𝐭 𝐏𝐚𝐠𝐚𝐬𝐚 𝐈𝐥𝐢𝐠𝐚𝐧 𝐂𝐢𝐭𝐲). Ang mga impormasyon lang niini nga mga page ang i-share.

𝐈𝐌𝐏𝐀𝐂𝐓 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆, 𝐏𝐎𝐒𝐈𝐁𝐋𝐄𝐍𝐆 𝐌𝐀𝐁𝐀𝐓𝐈 𝐒𝐀 𝐏𝐄𝐁𝐑𝐄𝐑𝐎 𝟓 𝐒𝐀 𝐔𝐃𝐓𝐎 𝐍𝐆𝐀𝐃𝐓𝐎 𝐒𝐀 𝐏𝐄𝐁𝐑𝐄𝐑𝐎 𝟔 -𝐏𝐀𝐆𝐀𝐒𝐀

Gilauman nga mabati ang impact sa bagyong Basyang sa Iligan ug Lanao del Norte sa Huwebes sa udto, Prebrero 5, 2026, ug sa adlawng Biyernes, Pebrero 6. Kini base sa pinakaulahing update sa PAGASA atol sa Pre-Disaster Risk Assessment (PDRA) nga gipahigayon alas 8:00 karung gabii kauban ang Incident Management Team ug kabarangayan.

Sumala ni Michael Mar Demecillo, ang Weather Specialist sa PAGASA, ang Iligan makasinati og mapanganuron nga kalangitan, katag-katag nga pag-ulan ug pagpanalugdog.

Light to moderate ang kakusgon sa hangin nga paingon sa dereksyong Amihanang-Sidlakan ug Amihanan.

Dugang niya, sa pagka-karun arang-arang pa ang balud sa kadagatan apan dili angay nga magkumpyansa.

Hangtud ning pagsulat, wala pay wind signal ang Iligan.

Sa Pebrero 6, 2026 na gilauman nga pinakaduol ang TD Basyang sa Iligan, ug magdala kini og 50-100mm nga pag-ulan. Posible ang pagbaha sa mga ubos nga dapit, mga lugar duol sa sapa, ug pagsaka sa tubig sa Mandulog ug Iligan River. Posible ang pagsaka sa tubig sa suba sa barangay Tubod tungod mabaw kini, nga makaapekto sa Barangay Mahayahay, Tubod, ug Palao.

Gipasabot ‘sab sa PAGASA nga kung hinay ang dagan sa bagyo ug magdugay kini sa dagat, posibleng mokusog kini ug mahimong Tropical Storm.

Gilauman nga sa Sabado, wala na sa Iligan ug Lanao del Norte ang bagyo, ug padulong na kini sa West Philippine Sea base sa model analysis sa PAGASA

𝘾𝙊𝙉𝙂𝙍𝘼𝙏𝙐𝙇𝘼𝙏𝙄𝙊𝙉𝙎, 𝘾𝙃𝙍𝙄𝙎𝙏𝘼𝙇! 👑

As one of the Top 15 Finalists of Miss World Philippines 2026, you have demonstrated that Iligan’s queens shine with grace, intelligence, and purpose.

Your achievement brings pride and honor to Iligan City.

#TheWORLDThroughCHRISTAL #MissWorldPhilippines2026 #BeautyWithAPurpose #IliganCityForTheWorld #ChristalBriseisPeralta

#AsensoIliganon #IliganCity

𝐋𝐀𝐍𝐓𝐀𝐖𝐀 : LGU-Iligan, nangandam sa mga posibleng epekto sa Bagyong Basyang.

Sa pagpanguna sa Iligan City Disaster Risk Reduction & Management Office (𝐈𝐂𝐃𝐑𝐑𝐌𝐎) kauban ang PAGASA, mga barangay, ug mga ahensya sa gobyerno, gipahigayon nila kagahapon ang 𝐏𝐫𝐞-𝐃𝐢𝐬𝐚𝐬𝐭𝐞𝐫 𝐑𝐢𝐬𝐤 𝐀𝐬𝐬𝐞𝐬𝐬𝐦𝐞𝐧𝐭 (𝐏𝐃𝐑𝐀).

Nagpadayon hangtud karun ang koordinasyon ug pag andam alang sa kaluwasan sa tanang Iliganon.

Sumala kang Michael Demecillo, ang Weather Specialist sa PAGASA, posibleng masinati sa Northern Mindanao ug Iligan City ang mapanganuron nga kalangitan, katag-katag nga pag-ulan ug pagpanalugdog tungod sa trough o “ikog” sa Tropical Depression Basyang.

Magpabiling abtik ug mag-amping kanunay!

#AsensoIligan #ICDRRMO #MayorFreddieSiao #TDBasyang #staysafeiliganon #DisasterPreparedness

𝐄𝐗𝐄𝐂𝐔𝐓𝐈𝐕𝐄 𝐎𝐑𝐃𝐄𝐑 𝐍𝐎. 𝟗, 𝐬. 𝐨𝐟 𝟐𝟎𝟐𝟔 𝐀𝐍 𝐎𝐑𝐃𝐄𝐑 𝐒𝐔𝐒𝐏𝐄𝐍𝐃𝐈𝐍𝐆 𝐂𝐋𝐀𝐒𝐒𝐄𝐒 𝐈𝐍 𝐀𝐋𝐋 𝐋𝐄𝐕𝐄𝐋𝐒, 𝐁𝐎𝐓𝐇 𝐏𝐔𝐁𝐋𝐈𝐂 𝐀𝐍𝐃 𝐏𝐑𝐈𝐕𝐀𝐓𝐄, 𝐈𝐍 𝐈𝐋𝐈𝐆𝐀𝐍 𝐂𝐈𝐓𝐘 𝐅𝐑𝐎𝐌 𝐅𝐄𝐁𝐑𝐔𝐀𝐑𝐘 𝟓 𝐀𝐍𝐃 𝟔, 𝟐𝟎𝟐𝟔, 𝐃𝐔𝐄 𝐓𝐎 𝐓𝐑𝐎𝐏𝐈𝐂𝐀𝐋 𝐃𝐄𝐏𝐑𝐄𝐒𝐒𝐈𝐎𝐍 "𝐁𝐀𝐒𝐘𝐀𝐍𝐆"

All schools are encouraged to adopt modular learning, asynchronous activities, or other appropriate alternative learning modalities to avoid disruption of academic requirements during the suspension period.

Work in government offices shall continue unless otherwise announced. Heads of offices shall exercise discretion in allowing personnel affected by the weather disturbance to be excused from reporting for work when necessary.

#executiveorder #suspensionofclasses #TDBasyang

#AsensoIliganon #IliganCity

𝐔𝐏𝐃𝐀𝐓𝐄!

Gipa-ilawom na sa 𝐁𝐥𝐮𝐞 𝐀𝐥𝐞𝐫𝐭 ang Iligan City tungod sa Tropical Depression Basyang. Gi-mobilize na sab sa LGU Iligan ang EOC ug Incident Management Team, kauban ang tanang response clusters alang sa padayon nga monitoring, pagpahibalo sa katawhan, ug pag andam sa bisan unsang emerhensya.

Alang sa mga emerhensya may kalabutan sa TD Basyang, matawagan ang 𝐡𝐨𝐭𝐥𝐢𝐧𝐞 𝐧𝐮𝐦𝐛𝐞𝐫 0993-399-4656.

Padayon ang LGU Iligan sa paghatag og tukmang impormasyon alang sa kaluwasan sa tanan.

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Alang sa tanang emergency nga may kalabutan sa Tropical Depression Basyang, palihug tawagi dayon ang 𝐋𝐆𝐔 𝐈𝐥𝐢𝐠𝐚𝐧 𝐡𝐨𝐭𝐥𝐢𝐧𝐞: 0993-399-4656.

Gipahimangnoan ang tanang Iliganon nga magpabiling alerto ug magbinantayon kanunay alang sa kaluwasan sa tanan.

𝐃𝐚𝐠𝐡𝐚𝐧𝐠 𝐒𝐚𝐥𝐚𝐦𝐚𝐭!

𝐑𝐄𝐏𝐑𝐎𝐃𝐔𝐂𝐓𝐈𝐕𝐄 𝐇𝐄𝐀𝐋𝐓𝐇 𝐀𝐍𝐃 𝐖𝐄𝐋𝐋𝐍𝐄𝐒𝐒 𝐂𝐄𝐍𝐓𝐄𝐑 𝐒𝐀 𝐈𝐋𝐈𝐆𝐀𝐍, 𝐆𝐈𝐁𝐀𝐋𝐇𝐈𝐍 𝐒𝐀 𝐓𝐓𝐌𝐅

Gipahibalo sa City Health Office sa Iligan nga ang Reproductive Health and Wellness Center ibalhin ngadto sa Temporary Treatment and Monitoring Facility (TTMF) sa Barangay Del Carmen sugod karong Pebrero 5, 2026.

Ang TTMF nahimutang sulod sa Personal Services Division (PSD) ug Carpool Compound, duol sa Commission on Audit (COA) Satellite Office. Sumala pa sa CHO, kini nga pagbalhin kabahin sa ilang pasalig nga makahatag og mas accessible, komportable, ug maayong lugar alang sa dekalidad nga serbisyo sa reproductive health and wellness alang sa mga Iliganon.

Giawhag ang tanang kliyente nga gustong mo-avail sa serbisyo sa Reproductive Health and Wellness Center, sama sa HIV Counseling and Testing ug STI Services, nga didto na moadto sa bag-ong lokasyon.

[Pebrero 4, 2026 | Janice G. Magsayo]

REPRODUCTIVE HEALTH AND WELLNESS CENTER SA ILIGAN, GIBALHIN SA TTMF

Giawhag ang tanang kliyente nga gustong mo-avail sa serbisyo sa Reproductive Health and Wellness Center, sama sa HIV Counseling and Testing ug STI Services, nga didto na moadto sa bag-ong lokasyon.

Janice G. Magsayo

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐖𝐄’𝐑𝐄 𝐌𝐎𝐕𝐈𝐍𝐆!

The Reproductive Health and Wellness Center is excited to share that we will soon be relocating to our new home at TTMF, Del Carmen, Iligan City.

This move is part of our commitment to provide a more accessible, comfortable, and improved space for quality reproductive health and wellness services. We look forward to welcoming you to our new location and continuing to serve the community with care, dignity, and compassion.

📍 New Location: TTMF, Del Carmen, Iligan City

See you at our new home! 🏠💙✨

𝟑𝟔𝐓𝐇 𝐂𝐈𝐕𝐈𝐋 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐌𝐎𝐍𝐓𝐇

𝘕𝘢𝘷𝘪𝘨𝘢𝘵𝘪𝘯𝘨 𝘵𝘩𝘦 𝘍𝘶𝘵𝘶𝘳𝘦 𝘛𝘰𝘨𝘦𝘵𝘩𝘦𝘳: 𝘈𝘥𝘷𝘢𝘯𝘤𝘪𝘯𝘨 𝘊𝘙𝘝𝘚 𝘪𝘯 𝘚𝘩𝘢𝘱𝘪𝘯𝘨 𝘵𝘩𝘦 𝘎𝘭𝘰𝘣𝘢𝘭 𝘢𝘯𝘥 𝘙𝘦𝘨𝘪𝘰𝘯𝘢𝘭 𝘋𝘢𝘵𝘢 𝘌𝘤𝘰𝘴𝘺𝘴𝘵𝘦𝘮

Magtinabangay kita sa pagpalig-on sa civil registration ug vital statistics (CRVS) aron masiguro ang 𝐢𝐧𝐜𝐥𝐮𝐬𝐢𝐯𝐞, 𝐚𝐜𝐜𝐮𝐫𝐚𝐭𝐞, ug 𝐟𝐮𝐭𝐮𝐫𝐞-𝐫𝐞𝐚𝐝𝐲 𝐝𝐚𝐭𝐚 para sa tanan. Together, we build a stronger data ecosystem that supports better services, sound policies, and a more inclusive future.

#36thCivilRegistrationMonth #CRVS #FutureReadyData

#AsensoIliganon #IliganCity

𝐈𝐋𝐈𝐆𝐀𝐍 𝐃𝐄𝐕𝐄𝐋𝐎𝐏𝐌𝐄𝐍𝐓 𝐆𝐎𝐀𝐋𝐒, 𝐆𝐈-𝐑𝐄𝐕𝐈𝐄𝐖, 𝐆𝐈-𝐔𝐏𝐃𝐀𝐓𝐄

Gisusi pagbalik sa City Planning and Development Office, City Administrator, City Mayor’s Office ug ubang mga opisina sa LGU-Iligan ang 15 Iligan Development Goals (IDGs) sa gihimong workshop kagahapon.

Gihisgutan ang mga success indicators ug mga gaps sa pag-implementar niini.

"Ang Iligan Development Goals is very important. This is a commitment of the City Government particularly on how to cascade or localize sa Sustainable Development Goals," matud ni EnP Elsa Maquiling sa City Planning and Development Office.

Ang kolektibo nga kahanas sa matag departamento, datos ug sektoral nga mga panglantaw, kritikal sa pagsiguro nga ang mahimong Comprehensive Development Plan tukma nga nagpakita sa mga prayoridad sa kalamboan sa siyudad ug epektibong nagtubag sa kasamtangang mitumaw nga mga hagit.

" As part of the updating of our Comprehensive Development Plan, this activity brings together the results of our sectoral workshops covering social, economic, infrastructure, enviroment and institutional sectors and cross cutting concerns, " pahayag ni Jules Verne Padilla , Chief of Staff sa buhatan ni Mayor Frederick Siao.

" Atong i-review ni so that for the next 3 years kabalo ta what we plan to achieve, what we want to target, kabalo ta altogether kini nga IDG mao ni atong trabahuon," dugang sab ni City Administrator Darwin Manubag

Sa gihimong pagreview o pagsusi sa 15 Iligan Development Goals gisusi sab kung haum ba ang titulo sa mga IDGs.

Dunay mga focus questions sa matag sektor atol sa workshop , kung haum pa ba ang titulo sa Social IDG o ang katuyoan ba niini labing mahinungdanon nga isyu sa katilingban sa panglawas, edukasyon , pabalay, social protection ug gender equality.

Sa Economic IDG, kung nakuha ba ang katuyuan sa panarbaho, productivity, innovation ug inklusibo nga pagtubo sa ekonomiya, ug uban pang mga pangutana ngadto sa tanang sektor.

Ang mga nahimong tubag sa mga partisipante, i-presentar sa laing tulo ka adlaw nga workshop nga nagtumong o magsilbing estratehikong plataporma alang sa pagkonsolida ingon man paghi-usa sa sektoral nga mga isyu, prayoridad ug estratehiya ngadto sa usa ka hiniusang Comprehensive Development Plan nga maoy mogiya sa medium-term development agenda sa siyudad.

Magtutok sab kini sa pagporma ug pagrefine sa panan-awon, mga tumong, programa ug prayoridad nga proyekto sa siyudad nga magseguro nga naka-align sa nasudnon ug rehiyonal nga development framework ingon man sa Sustainable Development Goals o SDGs.

Ronnie Enderes

We would like to hear from you

Send us your feedback, comments and suggestions to help improve our services

Iligan City

What's Happening

𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓, 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐁𝐀𝐋𝐎-𝐈! 🙏💚

𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓! 𝐂𝐀𝐆𝐀𝐘𝐀𝐍 𝐃𝐄 𝐎𝐑𝐎 𝐂𝐈𝐓𝐘

612 TOTAL KITS: Kusog ug Paspas nga Tabang para sa Brgy. Saray 💪📦

𝐈𝐋𝐈𝐆𝐀𝐍 𝐆𝐈𝐏𝐀-𝐈𝐋𝐀𝐖𝐎𝐌 𝐒𝐀 𝐁𝐋𝐔𝐄 𝐀𝐋𝐄𝐑𝐓; 𝐄𝐎𝐂-𝐈𝐌𝐓 𝐆𝐈-𝐌𝐎𝐁𝐈𝐋𝐈𝐙𝐄

𝘾𝙊𝙉𝙂𝙍𝘼𝙏𝙐𝙇𝘼𝙏𝙄𝙊𝙉𝙎, 𝘾𝙃𝙍𝙄𝙎𝙏𝘼𝙇! 👑

𝐋𝐀𝐍𝐓𝐀𝐖𝐀 : LGU-Iligan, nangandam sa mga posibleng epekto sa Bagyong Basyang.

𝐔𝐏𝐃𝐀𝐓𝐄!

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

𝐑𝐄𝐏𝐑𝐎𝐃𝐔𝐂𝐓𝐈𝐕𝐄 𝐇𝐄𝐀𝐋𝐓𝐇 𝐀𝐍𝐃 𝐖𝐄𝐋𝐋𝐍𝐄𝐒𝐒 𝐂𝐄𝐍𝐓𝐄𝐑 𝐒𝐀 𝐈𝐋𝐈𝐆𝐀𝐍, 𝐆𝐈𝐁𝐀𝐋𝐇𝐈𝐍 𝐒𝐀 𝐓𝐓𝐌𝐅

𝐀𝐍𝐍𝐎𝐔𝐍𝐂𝐄𝐌𝐄𝐍𝐓 | 𝐖𝐄’𝐑𝐄 𝐌𝐎𝐕𝐈𝐍𝐆!

𝟑𝟔𝐓𝐇 𝐂𝐈𝐕𝐈𝐋 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐌𝐎𝐍𝐓𝐇

𝐈𝐋𝐈𝐆𝐀𝐍 𝐃𝐄𝐕𝐄𝐋𝐎𝐏𝐌𝐄𝐍𝐓 𝐆𝐎𝐀𝐋𝐒, 𝐆𝐈-𝐑𝐄𝐕𝐈𝐄𝐖, 𝐆𝐈-𝐔𝐏𝐃𝐀𝐓𝐄