News

𝐖𝐎𝐌𝐄𝐍 𝐖𝐈𝐓𝐇 𝐃𝐈𝐒𝐀𝐁𝐈𝐋𝐈𝐓𝐘 𝐃𝐀𝐘 𝐂𝐄𝐋𝐄𝐁𝐑𝐀𝐓𝐈𝐎𝐍, 𝐈𝐏𝐀𝐇𝐈𝐆𝐀𝐘𝐎𝐍

Ipahigayon karun Marso 12, 2026 ang Women with Disability Day Celebration sa Mindanao State University -Iligan Institute of Technology MSU -IIT 8:00am -5:00pm.

Tumong niini mao pag ila og paghatag pasidungog sa mga kontribusyon sa mga kababayen-an nga adunay kapansanan sa komunidad.

Ang maong aktibidad pangunahan sa Person's with Disability Affairs Office (PDAO) uban ang City Social Welfare and Development (DSWD) og MSU-IIT.

Sumala ni Conchita Areola, ang Head sa Person's with Disability Affairs Office, nga adunay 50 ka kababayen-an nga adunay kapansanan nga moapil sa aktibidad. Atol usab sa event, adunay Health Awareness Symposium alang sa mga partisipante.

𝟗𝟏𝟐 𝐊𝐀 𝐌𝐆𝐀 𝐄𝐒𝐓𝐔𝐃𝐘𝐀𝐍𝐓𝐄 𝐒𝐀 𝐓𝐀𝐌𝐁𝐀𝐂𝐀𝐍 𝐄𝐋𝐄𝐌𝐄𝐍𝐓𝐀𝐑𝐘 𝐒𝐂𝐇𝐎𝐎𝐋 𝐍𝐀𝐊𝐀𝐃𝐀𝐖𝐀𝐓 𝐎𝐆 𝐀𝐒𝐄𝐍𝐒𝐎 𝐁𝐀𝐆

Midawat ang 912 ka mga estudyante sa Tambacan Elementary School og Asenso Bag nga dunay gamit sa pang-eskwela sama sa lapis, ballpen, papel, notebooks, eraser, ruler ug glue. Kini atol sa paglusad sa Project Asenso Bag, Marso 11, 2026.

Prayoridad sa Project Asenso Bags ang mga Kindergarten Students nga miyembro sa 4Ps ug mga nabahaan gikan sa Grade 1 hangtud sa Grade 4 nga mga estudyante.

Kini aron makatabang sa galastuhan sa mga ginikanan ug maghatag inspirasyon sa mga bata nga mo-eskwela og tarong.

Sumala ni Mayor Frederick Siao nga dili babag ang kakulangon sa budget kung ang kaayuhan sa mga bata ang hisgutan. Aghat sa mayor sa mga estudyante nga maningkamot og eskwela. Mipadayag sab si Mayor Siao sa padayun nga suporta sa gobyerno ngadto kanila.

Dugang ni Mayor Siao nga simbolo kini sa inspirasyon ug pagdasig para sa mga estudyante. Buot niya nga mabati nila ang gobyerno nga seryoso nga naglantaw sa ilang edukasyon ug kaugmaon.

Unang batch pa lamang ang Tambacan nga nakadawat sa Asenso Bag ug musunod niini ang uban pang mga eskwelahan

sa Iligan.

𝐎𝐑𝐃𝐈𝐍𝐀𝐍𝐒𝐀 𝐏𝐀𝐆 𝐀𝐌𝐄𝐍𝐃𝐀 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘 𝐏𝐄𝐎𝐏𝐋𝐄'𝐒 𝐂𝐎𝐔𝐍𝐂𝐈𝐋 𝐀𝐏𝐑𝐎𝐁𝐀𝐃𝐎 𝐒𝐀 𝐊𝐎𝐍𝐒𝐄𝐇𝐎

Gi-uyunan sa konseho ang ikaduha ug final reading sa ordinansa nga giduso ni Councilor Thomas Derrick Siao nga ga-amenda sa pagmugna sa Iligan City People's Council, Marso 10, 2026.

Ang ordinansa nagtinguha sa pagpalig-on sa partisipasyon sa mga Civil Society Organization kon CSO pinaagi sa Iligan City People's Council sa mga programa, polisya, pagplano, implementasyon ug pagmonitor sa mga programa ug proyekto sa syudad.

Lakang kini nga giila ang dakong tabang alang sa participatory governance o pag-apil sa katawhan sa pagdumala sa syudad.

𝐈𝐂𝐃𝐑𝐑𝐌, 𝐆𝐈-𝐀𝐏𝐑𝐎𝐁𝐀𝐇𝐀𝐍 𝐍𝐀 𝐈𝐒𝐈𝐏 𝐔𝐒𝐀 𝐊𝐀 𝐅𝐔𝐋𝐋-𝐅𝐋𝐄𝐃𝐆𝐄𝐃 𝐃𝐄𝐏𝐀𝐑𝐓𝐌𝐄𝐍𝐓

Ordinance No. 20-6963, Series of 2020, is hereby amended to expand the organizational structure, provide a staffing pattern, and create additional plantilla positions for the Iligan City Disaster Risk Reduction & Management Department (ICDRRMD).

This development aims to further 𝐬𝐭𝐫𝐞𝐧𝐠𝐭𝐡𝐞𝐧 𝐝𝐢𝐬𝐚𝐬𝐭𝐞𝐫 𝐩𝐫𝐞𝐩𝐚𝐫𝐞𝐝𝐧𝐞𝐬𝐬, 𝐫𝐞𝐬𝐩𝐨𝐧𝐬𝐞, 𝐚𝐧𝐝 𝐫𝐞𝐬𝐢𝐥𝐢𝐞𝐧𝐜𝐞 𝐢𝐧 𝐈𝐥𝐢𝐠𝐚𝐧 𝐂𝐢𝐭𝐲, ensuring more efficient and coordinated services for the community.

Padayon ang paningkamot sa syudad sa pagpalig-on sa disaster risk reduction and management alang sa kaluwasan sa tanang Iliganon.

Full details here, https://tinyurl.com/5396e7ma

#ICDRRM #DisasterPreparedness #approved

#AsensoIliganon #IliganCity

𝐋𝐀𝐍𝐓𝐀𝐖𝐀 :

Gitutukan karun sa LGU Iligan-Bloodletting and Nutrition Office (𝐁𝐋𝐍) ang Bloodletting activity sa mga Barangay sa Iligan aron adunay insaktong suplay sa dugo ang syudad. Kung adunay emerhensiya dali kining makahatag ngadto sa mga nanginahanglang Iliganon.

Kagahapong adlawa, gipahigayon ang bloodletting activity sa Barangay Tipanoy kauban ang Amai Pakpak Medical Center og Barangay Tipanoy Council.

Ang mga dugo nga makolekta ideposito sa 𝐆𝐫𝐞𝐠𝐨𝐫𝐢𝐨 𝐓 𝐋𝐥𝐮𝐜𝐡 𝐌𝐞𝐦𝐨𝐫𝐢𝐚𝐥 𝐇𝐨𝐬𝐩𝐢𝐭𝐚𝐥 (𝐆𝐓𝐋𝐌𝐇) alang sa mga pasyente nga nanginahanglan.

𝐏𝐚𝐝𝐚𝐲𝐨𝐧, 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

𝐋𝐀𝐍𝐓𝐀𝐖𝐀 :

Mipaabot sa ilang tabang ang Senate Spouses Foundation, Inc. ngadto sa mga Iliganon nga naapektuhan sa baha karung adlawa Marso 11, 2026. Gipahigayon ang ilang relief distribution sa Iligan City Central School, ug natabangan ang 1,090 ka mga pamilya gikan sa Coco Grove, Brgy. Mahayahay ug Brgy. Tipanoy, nga gipili mismo sa maong foundation.

Lakip sa gipanghatag sab ang DSWD food packs, Birch Tree milk powder, San Miguel canned goods, grocery items gikan sa LGU, ug mga pagkaon. Dugang pa, ang mga napiling barangay nakadawat sab og wheelbarrows ug mga pala aron makatabang sa padayon nga pagbangon sa komunidad.

Dako kaayong pasalamat sa LGU Iligan sa tanan nga organisasyon ug indibidwal nga walay hunong nga nagpaabot og tabang ug suporta sa mga pamilyang naapektuhan sa baha.

Ang inyong kasingkasing nga pag-alagad nagpadayag sa tinuod nga espiritu sa bayanihan para sa mga Iliganon.

#TabangParaSaIligan

#BangonIligan

#BayanihanSaIligan

𝐎𝐑𝐃𝐈𝐍𝐀𝐍𝐒𝐀 𝐒𝐀 𝐏𝐄𝐄𝐑 𝐓𝐄𝐀𝐂𝐇𝐈𝐍𝐆 𝐏𝐑𝐎𝐆𝐑𝐀𝐌 𝐀𝐋𝐀𝐍𝐆 𝐒𝐀 𝐊𝐀𝐁𝐀𝐓𝐀𝐍-𝐎𝐍𝐀𝐍 𝐒𝐀 𝐈𝐋𝐈𝐆𝐀𝐍, 𝐏𝐀𝐒𝐀𝐃𝐎 𝐍𝐀

Pasado sa katapusang pagbasa ang ordinansa nga giduso ni Konsehal Vincenro King C. Belmonte, Committee Chairperson on Education, nga nag- Institutionalize sa Community-Based Peer Teaching ug Tutorial Program alang sa kabatan-onan ug estudyante sa Iligan City.

Ang maong inisyatibo nagtumong nga matabangan ang mga estudyante nga pinaagi sa peer-led teaching and tutorial, mapalambo ang learning outcomes sa mga estudyante.

Lakip usab niini ang paglatid sa mga mekanismo aron masiguro ang epektibong implementasyon ug ang paghatag og pondo aron masuportahan ang operasyon niini.

Giklaro ni Konsehal Belmonte nga prayoridad nga itudlo ang mga subjects sa Math ug Science, ug pasiugdahan kini sa opisina sa Iligan City Youth Development Office.

𝐋𝐈𝐐𝐔𝐎𝐑 𝐁𝐀𝐍 𝐈𝐏𝐀𝐓𝐔𝐌𝐀𝐍 𝐒𝐀 𝐌𝐆𝐀 𝐄𝐒𝐓𝐀𝐁𝐋𝐈𝐒𝐘𝐀𝐌𝐄𝐍𝐓𝐎 𝐒𝐔𝐋𝐎𝐃 𝐒𝐀 100 𝐌𝐄𝐓𝐄𝐑𝐒 𝐑𝐀𝐃𝐈𝐔𝐒 𝐆𝐈𝐊𝐀𝐍 𝐒𝐀 𝐌𝐒𝐔-𝐈𝐈𝐓 𝐀𝐓𝐎𝐋 𝐒𝐀 𝐒𝐇𝐀𝐑𝐈'𝐀𝐇 𝐒𝐏𝐄𝐂𝐈𝐀𝐋 𝐁𝐀𝐑 𝐄𝐗𝐀𝐌

Gi-aprobahan sa konseho ang ordinansa nga gadili pagbaligya og ilimnon nga makahubog duol sa testing venue alang sa umaabot nga Shari'ah Special Bar Examinations.

Ang temporaryong Liquor Ban ipatuman sa tanang commercial nga establisyamento sulod sa 100 meters radius gikan sa Mindanao State University- Iligan Institute of Technology sa syudad. Ipatuman kini atol sa duha ka adlaw nga eksaminasyon karong Mayo 24 ug Mayo 27, 2026

Tinguha niini nga masiguro ang kahusay ug kalinaw sa palibot panahon adlaw sa eksaminasyon.

𝐈𝐋𝐈𝐆𝐀𝐍 𝐂𝐈𝐓𝐘, 𝐒𝐔𝐆𝐃𝐀𝐍 𝐀𝐍𝐆 𝐏𝐀𝐆𝐏𝐀𝐓𝐔𝐌𝐀𝐍 𝐒𝐀 𝐈𝐍𝐅𝐎𝐑𝐌𝐀𝐓𝐈𝐎𝐍 𝐒𝐄𝐂𝐔𝐑𝐈𝐓𝐘 𝐌𝐀𝐍𝐀𝐆𝐄𝐌𝐄𝐍𝐓 𝐒𝐘𝐒𝐓𝐄𝐌 𝐏𝐎𝐋𝐈𝐂𝐘.

Gi-aprubahan sa unang pagbasa ang ordinansa ni Konsehal Thomas Derrick P. Siao, Committee Chairperson sa Information and Communication Technology, nga nagtumong sa pagtukod sa Information Security Management System (ISMS) Policy sa Dakbayan sa Iligan.

Tinguha sa ordinansa nga maestablisar ang usa ka polisiya nga magdumala ug magpanalipod sa mga impormasyon ug teknolohiyang gamit sa siyudad.

Ang ISMS framework maghapsay ug mag-secure sa pagdumala sa impormasyon aron malikayan ang mga cyber threats, ug masiguro nga protektado ang datus.

𝐋𝐀𝐍𝐓𝐀𝐖𝐀 :

Gipangandaman karun sa Gregorio T. Lluch Memorial Hospital (GTLMH) ang ipahigayon nga First Quarter Nationwide Simultaneous Earthquake Drill (NSED) karong Marso 12, 2026, alas 3:30 sa hapon, ubos sa Hospital Emergency Incident Command System (GTLMH HEICS) isip kabahin sa pagpangandam sa kalamidad.

Atol sa aktibidad, gipakita sa mga personnel sa GTLMH ang ilang Evacuation Plan ug gisunod ang Incident Command System (ICS) aron masiguro ang organisado ug paspas nga pagresponde kon adunay emerhensya.

Adunay usab mga evaluators gikan sa lain-laing ahensya. Samtang ang Incident Management Team (IMT) sa ICDRRMO maoy motabang sa paggiya ug pag-train sa GTLMH personnel.

Padayon ang lig-on nga suporta ni Mayor Freddie Siao sa mga programa sa disaster preparedness aron masiguro nga andam ang Iligan ug luwas ang matag Iliganon sa bisan unsang kalamidad.

𝐏𝐚𝐝𝐚𝐲𝐨𝐧, 𝐀𝐬𝐞𝐧𝐬𝐨 𝐈𝐥𝐢𝐠𝐚𝐧𝐨𝐧!

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐇𝐎𝐍. 𝐒𝐀𝐌𝐔𝐄𝐋 𝐇𝐔𝐄𝐑𝐓𝐀𝐒 𝐀𝐍𝐃 𝐇𝐎𝐍. 𝐈𝐀𝐍 𝐔𝐘 🎉

The City proudly congratulates Councilor Ian C. Uy for being elected Treasurer for Mindanao, and Councilor Samuel “Tatay” Huertas for being elected National Executive Vice President of the Philippine Councilors League (PCL) during the 2026 Congress and First Quarterly Continuing Local Legislative Education Program (CLLEP) held at the World Trade Center in Pasay City.

Your leadership and dedication bring pride and honor to Iligan City.

#PCL #IliganLeadership

#AsensoIliganon #IliganCity

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

Gitunover sa LGU-Iligan karung adlawa sa Barangay Tibanga ug Suarez ang tagsa ka patrol rescue, ug pickup truck alang sa Local School Board.

Mipasalamat si Suarez Punong Barangay Rossil Abrero sa City Government of Iligan, pinangulohan ni Mayor Frederick Siao, kay dako kaayo nga tabang ang maong patrol rescue sa Barangay Suarez ilabi na sa pagresponde sa mga emerhensiya sama sa aksidente, kalamidad, ug uban pang panginahanglan sa komunidad. Pinaagi niini, mas mapaspas ug mas epektibo ang pagserbisyo sa barangay ngadto sa mga residente.

Gipasalamatan usab niya ang padayon nga suporta sa lokal nga gobyerno sa pagpalambo sa serbisyo publiko ug pagpalig-on sa kapasidad sa mga barangay aron mas mapanalipdan ug matabangan ang katawhan.

Joemar Neil Aliño

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

Gitunover sa LGU-Iligan karung adlawa sa Barangay Tibanga ug Suarez ang tagsa ka patrol rescue, ug pickup truck alang sa Local School Board.

Gipasalamatan usab niya ang padayon nga suporta sa lokal nga gobyerno sa pagpalambo sa serbisyo publiko ug pagpalig-on sa kapasidad sa mga barangay aron mas mapanalipdan ug matabangan ang katawhan.

Joemar Neil Aliño

𝐃𝐔𝐇𝐀 𝐊𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑𝐒 𝐍𝐀𝐆𝐏𝐀𝐁𝐈𝐋𝐈𝐍 𝐍𝐆𝐀 𝐁𝐔𝐊𝐀𝐒 𝐇𝐔𝐌𝐀𝐍 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆

Anaa nalang sa duha (2) ka evacuation centers ang nagpabilin nga bukas human sa pagkahitabo sa bagyong Basyang niadtong Pebrero 6, 2026 kini ang gibutyag ni Evelyn Madrio, Head sa City Social Welfare and Development Office (CSWD).

Usa sa evacuation centers mao ang Mahayahay Gym nga dunay 47 ka pamilya ug Pugaan nga dunay walo ka pamilya ang padayun nga gi-monitor karon sa CSWD.

Sumala ni Madrio nga mihimo sila og consultation ug diskusyon sa punong barangay sa duha ka barangay aron nga matabangan ug hinay-hinay nga makabangon ang mga pamilya nga nagpabilin sa evacuation centers. Dugang ni Madrio nga gilauman sab nila nga human makadawat sa Emergency Cash Transfer gikan sa Department of Social Welfare and Development (DSWD) ang mga pamilya nga makahinay-hinay sila og bangon gikan sa crisis pinaagi sa pagpangita og temporary nga kapuy-an.

Padayun sab karon ang pag-monitor sa CSWD sa final nga datos sa nabilin nga pamilya sa duha ka evacuation camps.

Niaging semana, nakigkita si Mayor Frederick Siao sa Department of Human Settlement and Urban Development o DHSUD diin gihisgutan nila ang pagtukod og modular shelter units nga temporaryong kapuy-an sa mga pamilyang apektado sa kalamidad, ingon man tenements para sa mga namuyo sa danger ug no-build zones sa Iligan.

𝐏𝐀𝐆𝐊𝐀𝐏𝐎𝐍 𝐒𝐀 𝐌𝐆𝐀 𝐋𝐀𝐋𝐀𝐊𝐈𝐍𝐆 𝐈𝐑𝐈𝐍𝐆 𝐔𝐆 𝐈𝐑𝐎, 𝐈𝐏𝐀𝐇𝐈𝐆𝐀𝐘𝐎𝐍 𝐒𝐀 𝐂𝐈𝐓𝐘 𝐕𝐄𝐓 𝐊𝐀𝐑𝐔𝐍𝐆 𝐌𝐀𝐑𝐒𝐎

Ipahigayon karung Marso 19, 27, ug 31, 2026 sa City Veterinary Office ang pagkapon sa mga laki nga iring ug iro.

Limitado ra ang slot niini. Ipahigayon kini sa ilang opisina sa Integrated Bus and Jeepney Terminal o Tambo Terminal.

Gibutyag ni Dr. Oza Mae Salinas , City Veterinarian, ang binuhing iring ug iro kinahanglan nag edad unom ka bulan pataas, ug himsog.

Duna sab ₱100.00 nga registration fee ug ₱100.00 castration fee o pagkapon sa binuhing hayop.

" Cat registration is mandatory i-register ang pet," sumala ni Dr. Salinas.

Ang pagkapon o pag-neuter para sa mga lalaki nga iring o spaying para sa mga babayeng iring mahinungdanon alang sa pagkontrolar sa daghan, sobra nga populasyon sa iring, pagpugong sa pagkaylap sa mga sakit sama sa rabies ug pagpauswag sa kinatibuk-ang panglawas ug kalidad sa kinabuhi alang sa mga binuhi ug mga iring sa komunidad.

Ronnie Enderes

𝐂𝐕𝐎: 𝐌𝐀𝐒𝐒 𝐑𝐀𝐁𝐈𝐄𝐒 𝐕𝐀𝐂𝐂𝐈𝐍𝐀𝐓𝐈𝐎𝐍, 𝐓𝐈𝐁𝐔𝐎𝐊 𝐓𝐔𝐈𝐆 𝐍𝐆𝐀 𝐈𝐏𝐀𝐇𝐈𝐆𝐀𝐘𝐎𝐍, 𝐍𝐀𝐊𝐀-𝐒𝐊𝐄𝐃𝐘𝐔𝐋 𝐒𝐀 𝐌𝐀𝐓𝐀𝐆 𝐁𝐀𝐑𝐀𝐍𝐆𝐀𝐘

Tibuok tuig ang Mass Rabies Vaccination o pagpangbakuna kontra rabies sa mga binuhi nga iro ug iring, sumala sa City Veterinary Office (CVO).

Duha ngadto sa tulo ka adlaw ang pagpangbakuna sa matag barangay.

Ning tuiga, nagsugod ang City Vet sa Barangay Abuno. Apan pagklaro sa ilang opisina, ang mga pet owners o nanag-iya og mga hayop mamahimo sab nga magpabakuna sa ilang mga binuhi sa City Vet, Lunes hangtud Biyernes, 8:00 sa buntag hangtud sa 5:00 sa hapon, sa Tambo Terminal.

𝐒𝐀𝐋𝐀𝐌𝐀𝐓 𝐒𝐀 𝐒𝐔𝐏𝐎𝐑𝐓𝐀: 𝐏𝐀𝐍𝐀𝐆𝐇𝐈𝐔𝐒𝐀 𝐀𝐋𝐀𝐍𝐆 𝐒𝐀 𝐈𝐋𝐈𝐆𝐀𝐍

Mapasalamaton ang LGU Iligan, ilabi na si Mayor Freddie Siao, sa walay hunong nga pagpakita sa suporta ug pagtabang sa mga silingang lugar alang sa mga Iliganon nga naapektuhan sa Bagyong Basyang.

Karong buntaga, 𝐩𝐞𝐫𝐬𝐨𝐧𝐚𝐥 𝐧𝐠𝐚 𝐠𝐢𝐭𝐮𝐧𝐨𝐥 𝐧𝐢 𝐌𝐚𝐲𝐨𝐫 𝐉𝐞𝐭𝐚𝐢𝐦𝐞 𝐀. 𝐎𝐤𝐢𝐧𝐥𝐚𝐲-𝐆𝐮𝐦𝐛𝐚𝐧 𝐬𝐚 𝐈𝐦𝐩𝐚𝐬𝐮𝐠-𝐨𝐧𝐠, 𝐁𝐮𝐤𝐢𝐝𝐧𝐨𝐧 𝐚𝐧𝐠 𝐟𝐢𝐧𝐚𝐧𝐜𝐢𝐚𝐥 𝐚𝐬𝐬𝐢𝐬𝐭𝐚𝐧𝐜𝐞 alang sa mga pamilyang apektado sa kalamidad sa Iligan.

Dungan usab niini, gitunol ang dugang nga tabang gikan sa 8th Infantry Battalion, 4th Infantry Division sa Philippine Army, nga nagpakita sa kusog nga panaghiusa aron masuportahan ang pagbangon sa dakbayan.

Ang inyong pagpakabana ug pagtinabangay dako kaayong tabang sa padayong pagbangon sa Iligan.

📸 ICDRRMO

#LGUIligan

#BangonIligan

#Bayanihan

#PadayonAngPagtabang

𝐓𝐈𝐍𝐀𝐁𝐀𝐍𝐆𝐀𝐘, 𝐏𝐀𝐑𝐀 𝐒𝐀 𝐈𝐋𝐈𝐆𝐀𝐍

Mapasalamaton ang LGU Iligan, ubos sa liderato ni Mayor Freddie Siao, sa dakong tabang nga gihatag sa 𝟓𝟗𝟎𝐭𝐡 𝐀𝐢𝐫 𝐁𝐚𝐬𝐞 𝐆𝐫𝐨𝐮𝐩, Philippine Air Force – 𝐂𝐆𝐉𝐀𝐁, 𝐂𝐚𝐠𝐚𝐲𝐚𝐧 𝐝𝐞 𝐎𝐫𝐨 pinaagi ni COL ANSELMO A TY II, ang Group Commander.

Ilang gigamit ang ilang KM250 nga sakyanan ug manpower aron mas mapadali ang paghakot sa mga relief goods gikan sa DSWD Warehouse sa Alae, Manolo Fortich padulong sa RCP Iligan.

Ang inyong suporta usa ka dakong tabang sa padayon nga paningkamot sa syudad sa pagserbisyo ug pag-atiman sa katawhang Iliganon.

Daghang salamat sa inyong walay hunong nga pagpakabana ug pakigtinabangay alang sa Iligan, hilabi na sa mga pamilyang naapektuhan sa kalamidad.

#LGUILIGAN

#BANGONILIGAN

#BayanihanSpirit

#padayonangpagtabang

𝐆𝐈𝐁𝐀𝐍𝐀-𝐁𝐀𝐍𝐀𝐍𝐆 5,000 𝐊𝐀 𝐓𝐀𝐖𝐎 𝐌𝐈-𝐏𝐀𝐑𝐓𝐈𝐒𝐈𝐏𝐀𝐑 𝐒𝐀 𝐅𝐎𝐎𝐓 𝐏𝐀𝐑𝐀𝐃𝐄 𝐒𝐀 𝐈𝐍𝐓'𝐋 𝐖𝐎𝐌𝐄𝐍'𝐒 𝐌𝐎𝐍𝐓𝐇

Gibana-banang mi-abot og 5,000 ka mga tawo sa lain-laing opisina sa LGU, mga ahensya sa gobyerno, ug Non-Government Agencies, Barangay Women's Association, ug mga kooperatiba sa Iligan , ang mi-apil sa foot parade atol sa selebrasyon sa International Women's Day Celebration, Marso 8, 2026.

#news #Update #AsensoNews

#AsensoIliganon #IliganCity

“𝙍𝙖𝙗𝙞𝙚𝙨-𝙁𝙧𝙚𝙚 𝙣𝙖 𝙋𝙪𝙨𝙖’𝙩 𝘼𝙨𝙤, 𝙆𝙖𝙡𝙞𝙜𝙩𝙖𝙨𝙖𝙣 𝙣𝙜 𝙋𝙖𝙢𝙞𝙡𝙮𝙖𝙣𝙜 𝙋𝙞𝙡𝙞𝙥𝙞𝙣𝙤! 𝙍𝙚𝙨𝙥𝙤𝙣𝙨𝙞𝙗𝙞𝙡𝙞𝙙𝙖𝙙 𝙈𝙤, 𝘼𝙡𝙖𝙜𝙖’𝙮 𝘽𝙖𝙠𝙪𝙣𝙖𝙙𝙤”

Karong bulan sa Rabies Awareness Month 2026, atong responsibilidad isip pet owners nga ipabakuna ang atong mga iro ug iring aron malikayan ang rabies ug mapanalipdan ang atong pamilya ug komunidad.

Responsible pet ownership starts with vaccination, proper care, and awareness.

#RabiesAwarenessMonth2026 #RabiesFreeCommunity

#HealthyIligan #AsensoIliganon #IliganCity

We would like to hear from you

Send us your feedback, comments and suggestions to help improve our services

Iligan City

What's Happening

𝐖𝐎𝐌𝐄𝐍 𝐖𝐈𝐓𝐇 𝐃𝐈𝐒𝐀𝐁𝐈𝐋𝐈𝐓𝐘 𝐃𝐀𝐘 𝐂𝐄𝐋𝐄𝐁𝐑𝐀𝐓𝐈𝐎𝐍, 𝐈𝐏𝐀𝐇𝐈𝐆𝐀𝐘𝐎𝐍

𝟗𝟏𝟐 𝐊𝐀 𝐌𝐆𝐀 𝐄𝐒𝐓𝐔𝐃𝐘𝐀𝐍𝐓𝐄 𝐒𝐀 𝐓𝐀𝐌𝐁𝐀𝐂𝐀𝐍 𝐄𝐋𝐄𝐌𝐄𝐍𝐓𝐀𝐑𝐘 𝐒𝐂𝐇𝐎𝐎𝐋 𝐍𝐀𝐊𝐀𝐃𝐀𝐖𝐀𝐓 𝐎𝐆 𝐀𝐒𝐄𝐍𝐒𝐎 𝐁𝐀𝐆

𝐎𝐑𝐃𝐈𝐍𝐀𝐍𝐒𝐀 𝐏𝐀𝐆 𝐀𝐌𝐄𝐍𝐃𝐀 𝐒𝐀 𝐈𝐋𝐈𝐆𝐀𝐍 𝐂𝐈𝐓𝐘 𝐏𝐄𝐎𝐏𝐋𝐄'𝐒 𝐂𝐎𝐔𝐍𝐂𝐈𝐋 𝐀𝐏𝐑𝐎𝐁𝐀𝐃𝐎 𝐒𝐀 𝐊𝐎𝐍𝐒𝐄𝐇𝐎

𝐈𝐂𝐃𝐑𝐑𝐌, 𝐆𝐈-𝐀𝐏𝐑𝐎𝐁𝐀𝐇𝐀𝐍 𝐍𝐀 𝐈𝐒𝐈𝐏 𝐔𝐒𝐀 𝐊𝐀 𝐅𝐔𝐋𝐋-𝐅𝐋𝐄𝐃𝐆𝐄𝐃 𝐃𝐄𝐏𝐀𝐑𝐓𝐌𝐄𝐍𝐓

𝐋𝐀𝐍𝐓𝐀𝐖𝐀 :

𝐋𝐀𝐍𝐓𝐀𝐖𝐀 :

𝐎𝐑𝐃𝐈𝐍𝐀𝐍𝐒𝐀 𝐒𝐀 𝐏𝐄𝐄𝐑 𝐓𝐄𝐀𝐂𝐇𝐈𝐍𝐆 𝐏𝐑𝐎𝐆𝐑𝐀𝐌 𝐀𝐋𝐀𝐍𝐆 𝐒𝐀 𝐊𝐀𝐁𝐀𝐓𝐀𝐍-𝐎𝐍𝐀𝐍 𝐒𝐀 𝐈𝐋𝐈𝐆𝐀𝐍, 𝐏𝐀𝐒𝐀𝐃𝐎 𝐍𝐀

𝐋𝐀𝐍𝐓𝐀𝐖𝐀 :

𝐂𝐎𝐍𝐆𝐑𝐀𝐓𝐔𝐋𝐀𝐓𝐈𝐎𝐍𝐒, 𝐇𝐎𝐍. 𝐒𝐀𝐌𝐔𝐄𝐋 𝐇𝐔𝐄𝐑𝐓𝐀𝐒 𝐀𝐍𝐃 𝐇𝐎𝐍. 𝐈𝐀𝐍 𝐔𝐘 🎉

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

𝐑𝐄𝐒𝐂𝐔𝐄 𝐏𝐀𝐓𝐑𝐎𝐋, 𝐆𝐈𝐇𝐀𝐓𝐀𝐆 𝐒𝐀 𝐁𝐀𝐑𝐀𝐍𝐆𝐀𝐘 𝐒𝐔𝐀𝐑𝐄𝐙 𝐔𝐆 𝐓𝐈𝐁𝐀𝐍𝐆𝐀

𝐃𝐔𝐇𝐀 𝐊𝐀 𝐄𝐕𝐀𝐂𝐔𝐀𝐓𝐈𝐎𝐍 𝐂𝐄𝐍𝐓𝐄𝐑𝐒 𝐍𝐀𝐆𝐏𝐀𝐁𝐈𝐋𝐈𝐍 𝐍𝐆𝐀 𝐁𝐔𝐊𝐀𝐒 𝐇𝐔𝐌𝐀𝐍 𝐒𝐀 𝐁𝐀𝐆𝐘𝐎𝐍𝐆 𝐁𝐀𝐒𝐘𝐀𝐍𝐆

𝐏𝐀𝐆𝐊𝐀𝐏𝐎𝐍 𝐒𝐀 𝐌𝐆𝐀 𝐋𝐀𝐋𝐀𝐊𝐈𝐍𝐆 𝐈𝐑𝐈𝐍𝐆 𝐔𝐆 𝐈𝐑𝐎, 𝐈𝐏𝐀𝐇𝐈𝐆𝐀𝐘𝐎𝐍 𝐒𝐀 𝐂𝐈𝐓𝐘 𝐕𝐄𝐓 𝐊𝐀𝐑𝐔𝐍𝐆 𝐌𝐀𝐑𝐒𝐎

𝐒𝐀𝐋𝐀𝐌𝐀𝐓 𝐒𝐀 𝐒𝐔𝐏𝐎𝐑𝐓𝐀: 𝐏𝐀𝐍𝐀𝐆𝐇𝐈𝐔𝐒𝐀 𝐀𝐋𝐀𝐍𝐆 𝐒𝐀 𝐈𝐋𝐈𝐆𝐀𝐍

𝐓𝐈𝐍𝐀𝐁𝐀𝐍𝐆𝐀𝐘, 𝐏𝐀𝐑𝐀 𝐒𝐀 𝐈𝐋𝐈𝐆𝐀𝐍

𝐆𝐈𝐁𝐀𝐍𝐀-𝐁𝐀𝐍𝐀𝐍𝐆 5,000 𝐊𝐀 𝐓𝐀𝐖𝐎 𝐌𝐈-𝐏𝐀𝐑𝐓𝐈𝐒𝐈𝐏𝐀𝐑 𝐒𝐀 𝐅𝐎𝐎𝐓 𝐏𝐀𝐑𝐀𝐃𝐄 𝐒𝐀 𝐈𝐍𝐓'𝐋 𝐖𝐎𝐌𝐄𝐍'𝐒 𝐌𝐎𝐍𝐓𝐇