Thursday, May 26, 2022

PAG APOD-APOD OG BASKETBALL BOARD UG RING, PADAYON NGA GIHIMO SA ILIGAN CITY SPORTS OFFICE

(Martes, Ika-5 sa Abril 2022)

 

PADAYON nga gihimo karon sa Iligan City Sports Office sa lokal nga kagamhanan ang pag apod-apod og basketball board ug ring sa mga nagkadaiyang kabaranggayan dinhi sa dakbayan sa Iligan.

Gani sa maong programa, anaa sa upat(4) na ka mga basketball board ug ring ang nahatag ngadto sa upat ka mga lugar.

Kini mao ang Purok 11, Bay View Homes sa Barangay Dalipuga ug Purok 15, Paulina Subdivision, Barangay Dalipuga; Lakip sab nga nakadawat ang Barangay Del Carmen ingon man ang Upper Tominobo.

Tumong sa pag apod-apod sa kahimanan sa isports nga mahilikay sa mga butang nga makadaot ang mga kabatan-onan sa siyudad sama sa Illegal Drugs ug mas magahin ang ilang oras diha sa sports.

 

Maricris Jumalon Tumimbang / CIO