Upcoming Events in Iligan City

LANTAWA:

Dakpan sa Iligan City Police Station 4 ang ika-duha nga Most Wanted Person sa syudad sa ilang gipahigayon nga Simultaneous Manhunt Charlie Operation o SIMACHO.

 

Na-aresto sa mga pulis si alias Bunso sa Barangay Mahayahay, Mayo 18,2023. Sumala ni Police Major Marvin Cajegas, dunay warrant of arrest si Jimenez sa upat ka-kaso niini nga rape. 

Gikatakdang dalhon karung adlawa sa korte ang suspek aron mapapanubag sa iyang mga kaso. Walay piyansa ang mga kaso sa suspek. 

[CIO]

IKA-4 SA REGIONAL LEVEL DRUG WATCHLIST, DAKPAN SA BUYBUST

Gi-dakop si Julius Degoma Villamero sa mga operatiba sa Regional Drug Enforcement Unit, kauban ang Regional Intelligence Unit ug Iligan City Mobile Force Company sa iyang balay sa Purok Greenfields, Brgy. Ubaldo Laya. 

Kini human gi-imporsar nila ang search warrant ug nakita sa iyang mga gamit ang 16 ka -gagmayng sachet sa gituohang shabu.  Gibana-banang mitimbang kini og 5 gramos ug ga-kantidad og 32,500 pesos.

Sumala sa mga otoridad, ika-upat na ka beses nadakpan ang suspek nga dunay lain-laing kaso. 

[CIO] 

LANTAWA: 

Gi-susi sa mga doktor ang kahimtang ni “Joy”, dili niya tinuod nga pangalan, kinsa nakasinati og depresyon. 

Gihatagan kini og tambal, cash assistance , bugas ingon man food packs aron malatas ilang inadlaw adlaw nga panginahanglan. “Dili masukod ang akong kalipay nga ang akong anak gi-duaw gyud ,nga gihatagan gyud og pagtagad ang iyang gibati nga depression,” sumala sa inahan ni Joy.

Gibisita sab ang usa ka lola sa Caritas Village sa Barangay Upper Tominobo kinsa na-stroke.

Gihatagan kini og libreng tambal sa Oplan Bisita ug stretch chair sa buhatan ni Konsehal Samuel “Tatay” Huertas tungod naglisod na kini paglakaw.

Mismong si Mayor Frederick Siao ang naka-monitor sa kahimtang sa duha. “Naghangyo atong Mayor nga ipa evaluate para mahibal-an ang kahimtang sa maong beneficiary,“ sumala ni Marlon Clapano, ang Head sa Barangay Affairs Office.

Ang Oplan Bisita programa ni Mayor Siao nga nagtinguha’ng ihatud ang serbisyo sa lokal nga kagamhanan sa mga residente nga walay kakayanan magpatambal sa kaugalingon. 

[CIO]

49 KA OUT-OF-SCHOOL YOUTH MI GRADWAR SA OPPORTUNITY 2.0 SA USAID

Mi-gradwar ang 49 ka Out-of-School Youth (OSY) sa  Education Development Center (EDC) pinaagi sa programang United States Agency International Development  (USIAD)  Oppportunity 2.0  niadtong Mayo 19,2023. Nahuman nila ang kursong Computer System Servicing NC II, Technical Installation and Maintenance NC II, Food and Beverage Services  NC II ug House Keeping NC II. 

Suportado sa United States Agency International Development (USAID), Department of Education (DepEd)  ug TESDA, ang EDC nga programa. Tinguha niini nga mapa-eskwela og vocational coursesang mga batan-on nga dili maka-eskwela sa kolehiyo gumikan sa kapobrehon.

Sumala ni Dr. David Hall, ang Chief of Party sa EDC, nga ang USAID migahin og pundo sa mga programa sa EDC og 1.9 Billion Pesos alang sa tanang mga Filipino nga OSY lakip dinhi sa dakbayan sa Iligan kutob tuig 2025.

Sa mensahe ni Iligan City Mayor Frederick Siao, dako iyang pasalamat ngadto sa USAID ,EDC, DepEd ug Tesda nga usa ang Iligan sa tibouk pilipinas nga naka benepisyo sa programang Opportunity  2.0 alang sa mga OSY.

[JESIE CHRIS QUINABATO/CIO]

BFP: MAGMATNGON SA ALIGATO ARON MALIKAY SA SUNOG

Mipahimangno ang Bureau of Fire Protection (BFP) nga magmatngon sa mga gamit pagluto. Ning bag-o, miulbo ang sunog sa Barangay Poblacion tungod sa hungaw nga hose sa LPG nga natugpahan og aligato. Tungod niini nasunog ang usa ka tindahan ug napaso sa bukton si Jerome Alipio.

Samtang aligato sab nga mitugpa sa landahan ang hinungdan sa sunog sa Barangay Santa Elena ning bag-o. Sumala ni SFO2 Richard Cartin 

Chief, Investigation and Intelligence Section  sa BFP-Iligan, nadamay ang balay ni Jorge Tomarong.

Sugyot ‘sab sa mga bombero nga maghimo ug plano aron andam sa buhaton kung dunay sunog sa pinuy-anan o dagkong building.

Gi-awhag sa Bureau of Fire Protection (BFP) ang mga residente sa Iligan nga unahon sila og tawag kung dunay sunog sa

Hotline sa BFP -Iligan ang numero   160, 0967-871-4388, ug 0930-116-5433.

[Ronnie Enderes/CIO]

MGA ATLETANG ILIGANON NGA MIHAKOT UG MGA MEDALYA SA PALARONG PAMPOOK