Iligan City Polytechnic State College Stakeholder's Summit

DATE : May 12, 2023
Author • City Government of Iligan

LANTAWA: Iligan City Polytechnic State College Stakeholder's Summit



Gipahigayon niadtong Mayo 10 ang panagtapok sa mga stakeholders alang sa itukod nga Iligan City Polytechnic State College (ICPSC)

Lakip sa mga mitambong si Barangay Buruun Chairperson Marianita Paradela, ICPSC Interim President Tito Mañacap,  ug mga representate gikan sa nagkalain-laing partner agency sa itukod nga state college.

Matod ni Mr. Rudolfo Gaite Jr., ang Vice Chairman sa Transitory Technical Working Group sa ICPSC ug magtutudlo sa Iligan City School of Fisheries, nga tumanon ang rekisito sa CHED ug  magpahigayon og “industry linkages”. Dugang pa niya, ang mahitabong partnership tali sa tunghaan ug sa mga industriya, makahatag og dugang employment opportunity sa mga mo-gradwar sa ICPSC.

Gipahigayon sab ang Signing of the Covenant ug Pledge of Commitment aron malig-on ang relasyon sa maong tunghaan tali sa mga partner agencies.

Laraw sa ICPSC nga motanyag og mga kurso sama sa Fishery ug Agri-business nga makatabang sa pagpalambo sa ekonomiya sa atong dakbayan ug sa nasud. 

Kahinumduman nga namugna ang ICPSC tungod sa inisiyatiba ni Mayor Freddie Siao niadtong congressman pa siya. Ang pondo alang niini nga tunghaan mag-gikan sa national budget.

#AsensoEdukasyon #AsensoIliganon #IliganCity

We would like to hear from you

Send us your feedback, comments and suggestions to help improve our services

Iligan City