MGA RESIDENTE SA ROGONGON NAKADAWAT OG MGA GAMIT SA PAGPAMUHI OG TILAPIA

DATE : May 15, 2023
Author • Asenso News Iligan City

MGA RESIDENTE SA ROGONGON NAKADAWAT OG MGA GAMIT SA PAGPAMUHI OG TILAPIA

Midawat gikan sa Bureau of Fisheries and Aquatic Resources kon BFAR 10 ang pito ka mga residente sa Sitio sa  Malandog, Manahaim, Salingsing ug Cadayunan sa barangay Rogongon. Napili sila tungod abunda ang lugar sa tubig ug haum sa pagbuhig tilapia.

Apil sa ilang nadawat ang bahug sa tilapia, mga timbangan ug cast net. “Kini nga kalihokan   dunay kalambigitan  sa Fisheries Development program sa Bureau of Fisheries and Aquatic Resources alayon sa kasaulogan sa bulan  sa  farmer fisherfolks  month karong Mayo,” matud Sumala ni Edward Yasay , ang BFAR 10 Director. 

Gibutyag sab ni Noel Saldajeno, Provincial Director sa BFAR, nga na-identify ang Barangay Rogongon   nga special area  sa pagpalambo sa agrikultura.

“Aside  nga member sa CAPDEV ang area, gitutukan kini sa gobyerno tungod daghan ta’g mga IPs nga lumulopyo  diha ug ang atong programa sa Rogongon  epektibo, malamboon  ug suportado sa Local Government Unit, “ pamahayag ni Saldajeno.

Masapalamaton ni Mayor Frederick Siao sa dakong  tabang gikan sa BFAR sa mga fisherfolks sa dakbayan.“ Kung ang Iligan makig-partner gani sa mga regional offices, sigurado among buhaton unsay   among makaya sa among  commitment para sa inyoha,” matud ni Mayor Siao.

Ang dispersal sa fish figerlings ug fish feeds usa sa contingency plans sa LGU aron ma-menusan ang epekto sa El Niño ngadto sa mga mag-uuma. 

[Ronnie Enderes/CIO]

We would like to hear from you

Send us your feedback, comments and suggestions to help improve our services

Iligan City