What's Happening

MGA ATLETANG ILIGANON NGA MIHAKOT UG MGA MEDALYA SA PALARONG PAMPOOK 

Nakakuha ang delegasyon sa Iligan og  62 ka gold , 53 ka silver ug 54 ka bronze medals sa  Northern Mindanao Regional Athletic Meet nga gipahigayon sa Lanao del Norte, Cagayan de Oro City, El Salvador City, Gingoog City ug Camiguin 'ning bag-o.

Usa sa mga mihakot og gold medals sa sports nga swimming ang Grade 9 sa Iligan City National High School  nga si Chelsea Mamugay. Sumala niya, paninguhaon niya nga makadaug sa umaabot nga Palarong Pambansa.

"Happy ko nakakuha ug seven golds. Thank you kaayo sa suporta kanamo mga atleta,” sumala niya. Sumala ni DepEd  Iligan Schools Division Superintendent Jonathan dela Pena, dakong tabang ang financial ug moral support sa LGU- Iligan aron makatambong ang mga atleta sa ilang dula.

"We commit to support the leadership of our honorable Mayor Siao and we also commit to continually deliver quality relevant education to our learners ang mga Iliganon nga lig-on ug masaligan," matud ni Dr. Dela Pena.

Gipasalig sab ni Iligan Mayor Frederick Siao ang makanunayong nga tabang sa lokal nga kagamhanan sa mga paningkamot sa pagpalambo sa paugnat sa kusog.

" Atong suportahan kay garbo na nato sa Iligan at the same time makahatag ug dugang kumpiyansa sa mga bata," pamahayag ni Mayor Siao.

[Ronnie Enderes/CIO]

📸 Rene Pernia

BFP: MAGMATNGON SA ALIGATO ARON MALIKAY SA SUNOG

Mipahimangno ang Bureau of Fire Protection (BFP) nga magmatngon sa mga gamit pagluto. Ning bag-o, miulbo ang sunog sa Barangay Poblacion tungod sa hungaw nga hose sa LPG nga natugpahan og aligato. Tungod niini nasunog ang usa ka tindahan ug napaso sa bukton si Jerome Alipio.

Samtang aligato sab nga mitugpa sa landahan ang hinungdan sa sunog sa Barangay Santa Elena ning bag-o. Sumala ni SFO2 Richard Cartin 

Chief, Investigation and Intelligence Section  sa BFP-Iligan, nadamay ang balay ni Jorge Tomarong.

Sugyot ‘sab sa mga bombero nga maghimo ug plano aron andam sa buhaton kung dunay sunog sa pinuy-anan o dagkong building.

Gi-awhag sa Bureau of Fire Protection (BFP) ang mga residente sa Iligan nga unahon sila og tawag kung dunay sunog sa

Hotline sa BFP -Iligan ang numero   160, 0967-871-4388, ug 0930-116-5433.

[Ronnie Enderes/CIO]

49 KA OUT-OF-SCHOOL YOUTH MI GRADWAR SA OPPORTUNITY 2.0 SA USAID

Mi-gradwar ang 49 ka Out-of-School Youth (OSY) sa  Education Development Center (EDC) pinaagi sa programang United States Agency International Development  (USIAD)  Oppportunity 2.0  niadtong Mayo 19,2023. Nahuman nila ang kursong Computer System Servicing NC II, Technical Installation and Maintenance NC II, Food and Beverage Services  NC II ug House Keeping NC II. 

Suportado sa United States Agency International Development (USAID), Department of Education (DepEd)  ug TESDA, ang EDC nga programa. Tinguha niini nga mapa-eskwela og vocational coursesang mga batan-on nga dili maka-eskwela sa kolehiyo gumikan sa kapobrehon.

Sumala ni Dr. David Hall, ang Chief of Party sa EDC, nga ang USAID migahin og pundo sa mga programa sa EDC og 1.9 Billion Pesos alang sa tanang mga Filipino nga OSY lakip dinhi sa dakbayan sa Iligan kutob tuig 2025.

Sa mensahe ni Iligan City Mayor Frederick Siao, dako iyang pasalamat ngadto sa USAID ,EDC, DepEd ug Tesda nga usa ang Iligan sa tibouk pilipinas nga naka benepisyo sa programang Opportunity  2.0 alang sa mga OSY.

[JESIE CHRIS QUINABATO/CIO]

LANTAWA: