Thursday, July 07, 2022

SUBMARINE BRIDGE SA BARANGAY ABUNO, GITUNOL SA LOKAL NGA KAGAMHANAN

(Huwebes, Ika-29 sa Abril 2021)

 

GITUNOL sa lokal nga kagamhanan ning siyudad kagahapong adlawa sa Barangay Council sa Abuno ang Submarine Bridge nga gitukod diha sa Zone 10 Sta. Lucia, sakop sa naasoy nga barangay. Diin, dako ang pasalamat sa mga katawhan sa maong lugar human nga sulod lamang sa usa ka bulan nahuman na ang maong proyekto .

Alang sa katawhan sa naasoy nga lugar, dako kini’g tabang alang kanila tungod dili na sila maglisod pagtabok-tabok sa suba ilabi na ang adunay mga motorsiklo o sakyanan. Ang nasangpit nga submarine Bridge, proyektong gipundohan sa lokal nga panggamhanan ubos sa administrasyon ni Mayor Celso G. Regencia ug Bise- Mayor Monsi Jemar Vera Cruz uban sa 17th council nga giduso pina-agi sa inisyatibo sa Barangay Council sa Abuno.

 

Maricris Jumalon Tumimbang / CIO

 

photo credits: LGU Iligan City