Thursday, July 07, 2022

WORLD AIDS DAY 2021: “END INEQUALITIES,END AIDS”

(Miyerkoles, Ika-1 sa Disyembre 2021)

 

NAKIGDUYOG ang lokal nga pangagamhanan sa Iligan sa pagselebrar sa World AIDS Day sa unang adlaw ning bulan sa Disyembre.

Kini ubos sa tema karong tuiga nga “End Inequalities, End AIDS” nga diin, hugot nga gipaabot sa kasamtangang administrasyon ang suporta aron mas mahatagan og dugang kahibalo ang matag Iliganon mahitungod sa HIV. Ang HIV/AIDS usa sa mga global health crisis nga padayon nga nasinati hangtod karon.

Matag unang adlaw sa Disyembre, lain-laing mga komunidad ang gapaabot sa pagpakighiusa ug suporta niini sa mga tawo nga padayon nga gilabanan ang HIV; paghinumdom sa mga kinabuhi nga nakalas tungod sa AIDS; ug pagselebrar sa mga malampuson nga mga lakang sa mga organisasyon ug sa gobyerno aron mahatagan ug kasulbaran ang epidemya sa HIV sa Pilipinas ug sa uban nga mga nasod. Pinaagi sa RA 11166 o Philippine HIV and AIDS Policy Act, mas napanghingusgan ang importansya sa HIV Response sa nasod.

Agi’g pakigduyog sa HIV/AIDS Awareness, nagpahigayon og kalihokan ang lokal nga pangagamhanan, uban sa hugot nga suporta sa buhatan sa City Health Office (CHO). Pinaagi sa maong mga kalihokan, dako pagsalig sa kasamtangang administrasyon nga mamahimong mas responsable ang matag Iliganon batok sa HIV/AIDS.

 

Maricris Jumalon Tumimbang / CIO